Eth hestau occitan Passapòrts, organizat peth Ostau Comengés, que començarà dissabde 15 de març per ua corsa a pè e ua caminada ath torn de Montrejau
Era corsa a pè, Era Hlama Occitana, que prepausarà duas boclas, ua de 7 quilomètres (per un terrenc guaireben planèr) e ua de 15 quilomètres (dab 4 còstas deras maishantas). 200 esportius de tot eth parçan que son demorats. Que serà, enà eris, ua jornada d’immersion ena cultura occitana (musica occitana, drapèus, arremesa deras arrecompensas en occitan, “present occitan” enà totis…).
En parallèl, que i aurà tanben enguan ua passejada de 10 quilomètres ara descobèrta dera microtoponimia occitana, animada per un especialista dera toponimia. Cada caminaire qu’aurà un document on poirà arretrobar eras explicacions balhadas pendent era caminada.
Despart dera caminada a 13h30 davant era petiva hala de Montrejau (detràs era glèisa), arribada prevista de cap a 17h00. Era corsa que partirà, era, a 15h00.
Eth hestau Passapòrts que contunharà eths 4 e 5 d’abriu, dab era Jornada deths Gafets, ua taula arredona sus era cultura orala, estagis de musica, de cant e de dança, arrepèish gascon e bal occitan.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Vos cal pujar e pas mancar de buf per aquela brava susada!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Vos cal pujar e pas mancar de buf per aquela brava susada!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari