Segon d’informacions de La Setmana, l’entrepresa de merchandising occitanista Macarèl, tornarmai, a sa botiga a Tolosa. Lo setmanièr occitan rapòrta una entrevista de Danís Cantornet, gerent de Macarèl, sus Ràdio Lengadòc Montpelhièr, ont conta cossí, gràcias a l’economia solidària, a pogut tornar dobrir la botiga al numèro 13 de la Carrièra del Taur, a la Ciutat Mondina.
Per poder téner botiga a Tolosa, Cantornet faguèt una crida a l’economia solidària e responsabla. Li caliá pagar un pas de pòrta de 150 000 èuros abans lo 6 de febrièr. “E aquò capitèt plan”, çò ditz Cantornet, “mai de 100 personas an respondut a la crida de Macarèl”, çò apondèt en soslinhar que “i a de mond que coneissèm pas qu’an prestat d’argent”. Lo remborsament se farà coma a la banca, sus sèt ans.
“Èra important que la botiga de Tolosa tornèsse dobrir perque es plan situada dins la vila. Contribuís a la socializacion de l’occitan, amb los toristas que passan per Sant Sarnin”. Téner botiga al centre de Tolosa es un afar important, pas solament per l’avenir de Macarèl, mas per la difusion de l’occitanitat. “Un ponch de venda dins la Ciutat Mondina atrai de mond d’11 departaments, mas tanben de mai de forestièrs”, çò diguèt Cantornet a Jornalet en genièr passat.
De fach, pendent los dos meses d’ensag que tenguèt la botiga tolosana, “las chifras mostr[èron] que Macarèl s’i deviá installar de longa. D’efièch, dins aquela pontannada, la chifra d’afar i representèt los tres quarts del de la botiga de Sant Joan de Vedats, e la mitat de las vendas sus Internet en una annada”.
Per mercejar totes los qu’an participat, Macarèl aficharà lors noms al dessús de la botiga.
Per poder téner botiga a Tolosa, Cantornet faguèt una crida a l’economia solidària e responsabla. Li caliá pagar un pas de pòrta de 150 000 èuros abans lo 6 de febrièr. “E aquò capitèt plan”, çò ditz Cantornet, “mai de 100 personas an respondut a la crida de Macarèl”, çò apondèt en soslinhar que “i a de mond que coneissèm pas qu’an prestat d’argent”. Lo remborsament se farà coma a la banca, sus sèt ans.
“Èra important que la botiga de Tolosa tornèsse dobrir perque es plan situada dins la vila. Contribuís a la socializacion de l’occitan, amb los toristas que passan per Sant Sarnin”. Téner botiga al centre de Tolosa es un afar important, pas solament per l’avenir de Macarèl, mas per la difusion de l’occitanitat. “Un ponch de venda dins la Ciutat Mondina atrai de mond d’11 departaments, mas tanben de mai de forestièrs”, çò diguèt Cantornet a Jornalet en genièr passat.
De fach, pendent los dos meses d’ensag que tenguèt la botiga tolosana, “las chifras mostr[èron] que Macarèl s’i deviá installar de longa. D’efièch, dins aquela pontannada, la chifra d’afar i representèt los tres quarts del de la botiga de Sant Joan de Vedats, e la mitat de las vendas sus Internet en una annada”.
Per mercejar totes los qu’an participat, Macarèl aficharà lors noms al dessús de la botiga.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Macarèl es pas encara tornat a Tolosa (agachatz lo ligam de l'article de la Setmana). Alavetz, cal esperar encara un brieu. Mas espèri per eles que se farà lèu. La botiga de Macarèl foguèt fòrça frequentada a la fin de 2013. E i a pas cap de rason que siá pas çò meteis quand seràn tornats. Çò segur, es fòrça important d'aver de luòcs a Tolosa (o endacòm mai), que las gents pòscan ausir a la lenga: a l'Ostal d'Occitània, a la botiga Macarèl, a l'Estanquet, ... De fach, son d'isolats lingüistics que cal manténer e desvolopar.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari