Actualitats
Lo darrièr messatge de l’avion desaparegut n’aumenta lo mistèri
“Va plan, bona nuèch”, çò diguèt lo pilòt pauc abans de desaparéisser
Las autoritats de Malàisia an revelat la darrièra comunicacion de l’avion MH370 que desapareguèt dissabte passat, un messatge dels pilòts de l’avion al contraròtle aerian de Malàisia e de Vietnam. Aquel messatge, qu’an pogut escotar las familhas dels 154 passatgièrs chineses pendent una reünion a Pequin, fa créisser encara mai lo mistèri de l’afar.
La tor de contraròtle de Malàisia informèt los pilòts de l’avion qu’avián traversat la frontièra aeriana entre Malàisia e Vietnam. E un dels pilòts respondèt: “Va plan, bona nuèch”. Qualques minutas puèi, l’avion desapareissiá del radar.
En aquel moment se perdèt lo contacte amb l’aeronau e tre alavetz se n’es pas pus sauput res, malgrat totas las recèrcas. Aital doncas, lo darrièr messatge recebut non dona pas cap de pista sus çò que se passèt, e al delà que confirma que, fins a aquel moment, “tot anava plan”, çò que fa créisser l’incertitud sus çò que se passèt puèi.
L’avion de Malaysia Airlines desapareguèt mentre que volava de Kuala Lumpur a Pequin, amb 239 personas a bòrd. L’operacion de salvament dins las aigas del Golf de Tailàndia a pas permés de ne localizar cap de pista ni cap de rèsta, fins ara.
La tor de contraròtle de Malàisia informèt los pilòts de l’avion qu’avián traversat la frontièra aeriana entre Malàisia e Vietnam. E un dels pilòts respondèt: “Va plan, bona nuèch”. Qualques minutas puèi, l’avion desapareissiá del radar.
En aquel moment se perdèt lo contacte amb l’aeronau e tre alavetz se n’es pas pus sauput res, malgrat totas las recèrcas. Aital doncas, lo darrièr messatge recebut non dona pas cap de pista sus çò que se passèt, e al delà que confirma que, fins a aquel moment, “tot anava plan”, çò que fa créisser l’incertitud sus çò que se passèt puèi.
L’avion de Malaysia Airlines desapareguèt mentre que volava de Kuala Lumpur a Pequin, amb 239 personas a bòrd. L’operacion de salvament dins las aigas del Golf de Tailàndia a pas permés de ne localizar cap de pista ni cap de rèsta, fins ara.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aicí vegi la ma negra de los militars ianqus que sempre estan fent proves per conquistar lo mond. Cal saper lo que disen a la xina.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari