A Marselha, au mes de novembre passat, se son mobilizats totei leis actors que volián pensar ensems l’avenir de l’occitan en Provença, País Aupenc e País Niçard. S’es conclús a la necessitat d’una accion collectiva dins un quadre novèu: lo Forum d’Òc. Es estat creat per l’IEO Provença, la Mantenença de Provença dau Felibritge, la Federacion Provençala dei Calandretas e leis associacions d’ensenhaires l’AELÒC e L’APLR (membres de la FÈLCO). Pòrtan ensems la volontat d’una politica lingüistica dins la region.
Lo Forum d’Òc a vocacion de recampar totei lei personas moralas que sigan d’associacions, de collectivitats localas, d’administracions, d’entrepresas, etc., que vòlon obrar per lo desvolopament e la promocion de la lenga occitana dins la region. Una granda campanha d’adesion es mandada per bastir l’ostau comun que manca en Provença.
Leis associacions fondadoiras an vougut que l’adesion siá simpla: gratuita e declarativa. Lei membres dau Forum s’engatjan sus de valors que partejan: l’unitat de la lenga dins sa diversitat “despuei Niça fins a Bordèu” e “de la mar fins a Léger”. Cadun pòu demandar a son associacion d’aderir en aprovant la Carta.
Lei membres vòlon desvolopar ensems una politica lingüistica en Provença-Aups-Còsta d’Azur, darriera region a pas voler signar la Carta de Cooperacion Interregionala e Transfrontaliera de Desvolopament de la Lenga Occitana, a causa de son president de region, Michel Vauzelle. Ensems pensan de prepausar d’accions concretas per far avançar la plaça de l’occitan.
Dins lo Forum d’Òc, cada associacion, cada entrepresa pòu participar a sa mesura ais accions prepausadas: lo cercle locau ont se practica e s’apren la lenga, tant coma lo club de rugbi ò de botís que la valoriza a son biais. L’union fa la fòrça e la lenga n’a ben besonh. Leis aderents au Forum d’Òc assajaràn de tractar conjonchament de la plaça de la lenga dins l’educacion, lei mèdias, la vida publica e institucionala, la creacion e l’economia. La fe sens òbras, mòrta es!
IEO Provença
Etiquetas
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Amb la candidatura dificila de V.Peillon a las eleccions europeencas en Provença, los occitanistas an l'escasença de far avançar l'ensenhament de la lenga dins aquela region mas tanben dins Occitania tota. Lo nombre actual de pòstes al CAPES d'occitan es una menaça per la quita existéncia de l'ensenhament dins lo second gras ; las acadèmias de Niça e d'Ais-Marselha an totjorn pas signada de convencion amb la region coma es lo cas en Aquitània o en Miègjorn-Pirenèus per desvolopar l'ensenhament de la lenga e cultura d'oc de la mairala a l'universitat.
Entre lo jacobin Vauzelle , la drecha folclorista, lo rector e d'autres, Provença es lo bastion de l'anti-occitanisme. Òsca lo Fòrum d'òc! Nòstre avenidor comun es a se jogar en Provença!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Amb la candidatura dificila de V.Peillon a las eleccions europeencas en Provença, los occitanistas an l'escasença de far avançar l'ensenhament de la lenga dins aquela region mas tanben dins Occitania tota. Lo nombre actual de pòstes al CAPES d'occitan es una menaça per la quita existéncia de l'ensenhament dins lo second gras ; las acadèmias de Niça e d'Ais-Marselha an totjorn pas signada de convencion amb la region coma es lo cas en Aquitània o en Miègjorn-Pirenèus per desvolopar l'ensenhament de la lenga e cultura d'oc de la mairala a l'universitat.
Entre lo jacobin Vauzelle , la drecha folclorista, lo rector e d'autres, Provença es lo bastion de l'anti-occitanisme. Òsca lo Fòrum d'òc! Nòstre avenidor comun es a se jogar en Provença!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari