Actualitats
L’armada e la gàrdia civila espanhòlas anaràn a Lorda en romavatge
Un “grop de romieus” format per 13 agents de la gàrdia civila viatjarà a Lorda per i rescontrar una delegacion de l’armada espanhòla
E mai se la constitucion espanhòla definís l’estat espanhòl coma aconfessional (article 16.3), lo ministre espanòl de l’interior, Jorge Fernández Díaz, mandarà un grop de 13 agents de la gàrdia civila en romavatge a Lorda (Lavedan). Los agents seràn causits pel curat en cap d’aquel còrs, qu’avalorarà lor “motivacion per l’aspècte religiós del romavatge”.
De son costat, lo Ministèri de la Defensa espanhòl a tanben finançat un romavatge de l’armada al santuari occitan. Aital, los agents de la gàrdia civila jonheràn lo 56n romavatge internacional militar d’ongan, qu’aurà luòc del 14 al 18 de mai.
Esquèrra Republicana de Catalonha (ÈRC) a anonciat que presentarà una seguida de questions, dins lo parlament de l’estat, per saber se lo govèrn espanhòl pensa de tornar decorar de sants e de verges, e li demandarà d’explicar la despensa budgetària dels romavatges dels darrièrs cinc ans. Los republicans catalanistas vòlon tanplan conéisser lo besonh del pelegrinatge a Lorda e demandan al govèrn espanhòl s’an prevista qualque pregària especiala a la Verge occitana, e s’an previst de pelegrinar a La Mèca o a de santuaris d’autras confessions religiosas.
De son costat, lo Ministèri de la Defensa espanhòl a tanben finançat un romavatge de l’armada al santuari occitan. Aital, los agents de la gàrdia civila jonheràn lo 56n romavatge internacional militar d’ongan, qu’aurà luòc del 14 al 18 de mai.
Esquèrra Republicana de Catalonha (ÈRC) a anonciat que presentarà una seguida de questions, dins lo parlament de l’estat, per saber se lo govèrn espanhòl pensa de tornar decorar de sants e de verges, e li demandarà d’explicar la despensa budgetària dels romavatges dels darrièrs cinc ans. Los republicans catalanistas vòlon tanplan conéisser lo besonh del pelegrinatge a Lorda e demandan al govèrn espanhòl s’an prevista qualque pregària especiala a la Verge occitana, e s’an previst de pelegrinar a La Mèca o a de santuaris d’autras confessions religiosas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Dèu èsser perqu'an las mans lordas de sas malafachas que van a Lorda per veire de las netejar. Cresi pas que l'aiga del Gave pòsca res contra aquelas tacas.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari