Actualitats
Catalonha: lo primièr pòst d’esséncia per l’independéncia
La societat Petròlis Independents paga sos impòstes a l’Agéncia Tributària Catalana e subvenciona las associacions sobeiranistas
Petròlis Independents es una nòva societat petrolièra catalana qu’a decidit de pagar sos impòstes solament a Tributs de Catalonha, l’embrion del tresaur public del país.
La societat es una una franquesa de la cadena Petro7 e ven de dobrir sa primièra estacion de servici a l’Atmetlla del Vallès.
Al delà, la societat vòl tanben impulsar una politica que nomena “responsabilitat sociala amb C de Catalonha”, que redepausarà una part dels beneficis a las iniciativas “dels collectius que defendon que Catalonha obtenga un estat pròpri”. Los fondadors, Jordi Roset e Joan Canadell, dison qu’aquò respond a la volontat de “recuperar l’esperit catalan de la tradicion empresariala prefranquista, quand los entrepreneires menavan a tèrme d’iniciativas socialas e culturalas que servissián a tornar al país çò que Catalonha lor donava”. Las associacions independentistas que voldràn beneficiar dels beneficis de Petròlis Independents pòdon consultar las basas sul sit de la societat.
La societat es una una franquesa de la cadena Petro7 e ven de dobrir sa primièra estacion de servici a l’Atmetlla del Vallès.
Al delà, la societat vòl tanben impulsar una politica que nomena “responsabilitat sociala amb C de Catalonha”, que redepausarà una part dels beneficis a las iniciativas “dels collectius que defendon que Catalonha obtenga un estat pròpri”. Los fondadors, Jordi Roset e Joan Canadell, dison qu’aquò respond a la volontat de “recuperar l’esperit catalan de la tradicion empresariala prefranquista, quand los entrepreneires menavan a tèrme d’iniciativas socialas e culturalas que servissián a tornar al país çò que Catalonha lor donava”. Las associacions independentistas que voldràn beneficiar dels beneficis de Petròlis Independents pòdon consultar las basas sul sit de la societat.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Que'm sembla que i a ua grana diferéncia culturau entre Occitania e Catalonha sus aquò : los Occitans qui tienen l'economia que son quasi tots indiferents o ostiles a la loa lenga e a la loa cultura, mentre qu'en Catalonha que i a ua borgesia dab ua conciéncia nacionala hòrta.
Ne soi pas tròp assabentat de tot aquò mes que m'interessa, lavetz si n'i a qui vòlen confirmar, infirmar, precisar, nuançar aqueste comentari, ne'vs geinetz pas : que'vs legerèi.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari