Coma cada an a l’entorn de Pascas, torna Pyrenades, lo festenal aranés del pireneïsme, qu’ongan se debanarà del 12 al 19 d’abril, sempre a Salardú. Lo festenal prepausa de passejadas, de conferéncias, de musica, de cinèma e d’animacions pels enfants.
Es ja lo quatren an que lo Musèu del Pireneïsme prepausa aqueste festenal, qu’ongan presenta un programa vast ont cal soslinhar la 4a Mòstra de Cinèma de Montanha, amb la projeccion dels filmes mai representatius e premiats de 2013 coma Glacian Balance d’Ethan Steinman e Steos de Coupdoeil Film.
Al delà, las animacions infantilas se son alargadas mai que mai amb un cors d’escalada per enfants e de talhièrs d’argela, de pintura, de reconeissença d’ausèls e de tralhas d’animals. Dins l’encastre cultural cal soslinhar la conferéncia d’Antonio Lasheras, director del musèu e centre de recèrca de las balmas d’Altamira en Cantàbria. Del costat artistic, de soslinhar l’espectacle de musica e mapping amb la grafista Edita Gatzibara e lo ditgèi Lluc Navarro.
Coma d’abitud, los participants poiràn intrar dins lo patrimòni natural e cultural d’Aran amb l’excursion en raquetas de nèu al Plan de Beret e de vesitas a las glèisas e musèus del país.
Es ja lo quatren an que lo Musèu del Pireneïsme prepausa aqueste festenal, qu’ongan presenta un programa vast ont cal soslinhar la 4a Mòstra de Cinèma de Montanha, amb la projeccion dels filmes mai representatius e premiats de 2013 coma Glacian Balance d’Ethan Steinman e Steos de Coupdoeil Film.
Al delà, las animacions infantilas se son alargadas mai que mai amb un cors d’escalada per enfants e de talhièrs d’argela, de pintura, de reconeissença d’ausèls e de tralhas d’animals. Dins l’encastre cultural cal soslinhar la conferéncia d’Antonio Lasheras, director del musèu e centre de recèrca de las balmas d’Altamira en Cantàbria. Del costat artistic, de soslinhar l’espectacle de musica e mapping amb la grafista Edita Gatzibara e lo ditgèi Lluc Navarro.
Coma d’abitud, los participants poiràn intrar dins lo patrimòni natural e cultural d’Aran amb l’excursion en raquetas de nèu al Plan de Beret e de vesitas a las glèisas e musèus del país.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari