Dimenge passat, 16 de març de 2014, se debanava a Montsegur (País d’Òlmes) lo tradicional omenatge rendut a las victimas occitanas del fanatisme religiós e de l’imperialisme francés. Ongan, coma cada an, jos un solelh radiós, la manifestacion èra organizada per l’associacion ciutadana Occitània e Libertat.
Un bon trentenat de personas, vengudas de Gasconha e de Lengadòc, s’èran recampadas al pè del puèg, mai precisament sul planèl nomenat Prat dels Cremats. Bandièras occitanas al vent, lo Doctor Jacme Pince clamèt una dicha ponhenta dins la quala foguèron tornarmai evocats la resisténcia e lo coratge dels supliciats davant la barbariá.
Mentre que los participants foguèron convidats “a escotar lo silenci de la montanha”; dins un prigond reculhiment, lo monument foguèt enflorit de las colors jauna e roja. L’omenatge s’acabèt per qualques tròces de musica jogats a la flaüta de Pan, seguits del Se Canta, l’imne nacional nòstre.
Cada an, lo recampament de Montsegur, dobèrt a totes, se debana lo dimenge mai prèp de la data anniversari del 16 de març. Sempre a onze oras.
Sèrgi Viaule
_____
Editorial: Montsegur, 770 ans
Un bon trentenat de personas, vengudas de Gasconha e de Lengadòc, s’èran recampadas al pè del puèg, mai precisament sul planèl nomenat Prat dels Cremats. Bandièras occitanas al vent, lo Doctor Jacme Pince clamèt una dicha ponhenta dins la quala foguèron tornarmai evocats la resisténcia e lo coratge dels supliciats davant la barbariá.
Mentre que los participants foguèron convidats “a escotar lo silenci de la montanha”; dins un prigond reculhiment, lo monument foguèt enflorit de las colors jauna e roja. L’omenatge s’acabèt per qualques tròces de musica jogats a la flaüta de Pan, seguits del Se Canta, l’imne nacional nòstre.
Cada an, lo recampament de Montsegur, dobèrt a totes, se debana lo dimenge mai prèp de la data anniversari del 16 de març. Sempre a onze oras.
Sèrgi Viaule
_____
Editorial: Montsegur, 770 ans
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Es la redaccion de Jornalet qu'a indicat País d'Òlmes. L'article original disiá País de Fois. A l'ora d'ara, la division dels Païses Occitans es pas brica oficiala e es fòrça complicat trobar d'estudis sus aquò. Lo sol trabalh qu'avèm trobat es lo qu'a fach lo geograf auvernhat Frederic Zégierman, e es aquel lo que seguissèm. I a d'errors, plan segur, coma per exemple lo del País d'Òmes, en plaça de Mirapeissés. Mas sèm solament de jornalistas, e podèm pas desautorizar lo trabalh de Zégierman. Esperi que lèu i aurà un trabalh mielhor fach suls païses d'Occitània, e Jornalet lo seguirà.
En tot cas, avèm notat aquesta remarca sul país Mirapeissés e la mercejam plan.
O ai ja indicat al Jornalet, Sèrgi : lo "Pays d'Olmes" aquò existis pas. Es un concèpte torristic. Lo pais de Montsegur est lo Mirapeissés. Mercés per l'omenatge als Catars.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari