Actualitats
La societat aranesa de caviar deu barrar a causa de la lei de reforma energetica del PP
La societat aranesa de caviar Nacarii es en quincanèla a causa de la reforma energetica del govèrn espanhòl del Partit Popular (PP). Caviar Nacarii deu cessar son activitat après 15 ans a elevar d’esturions, a ne vendre la carn e a elaborar artisanalament lo presat caviar.
Aquela reforma energetica del PP, coneguda per aver privatizat lo solelh en empedissent de far d’energia solara, a eliminat las primas a la cogeneracion, es a dire: al procediment de profechar de l’energia termica venent de la produccion d’energia electrica. Sens aquela bonificacion, l’entrepresa ditz qu’es obligada de presentar un concors de creditors, çò qu’implica lo barrament de las installacions e la pèrda d’un vintenat d’emplecs.
“Tant que poirem, ensajarem de servar los emplecs”, çò diguèt lo director general del grop Neoelectra, Antonio Cortés, del temps que planhiá: “ausissèm dins los mèdias que tot va plan, mas en realitat i a una seguida d’indústrias que son a cessar lors activitats”.
Cortés apondèt que la cogeneracion a permés a Caviar Nacarii d’èsser una de las melhoras entrepresas de caviar, en exportar per tot lo Mond de caviar de nauta qualitat, mas qu’ara, amb la retalhada de las primas a las energias renovelablas del Ministèri de l’Indústria, se vei obligat de barrar lo sit e de presentar un concors de creditors.
La societat aranesa se tròba dins un pargue industrial ecologic de tres entrepresas del grop Neoelectra a Les, que se completan en la fornidura de matèrias primièras e l’eliminacion de residús. Neoelectra gerís la centrala de cogeneracion que produtz d’electricitat per mejan de la combustion de gas; aquò produtz d’aiga cauda que s’emplega per climatizar las piscinas dels esturions, e mai aquò crèa lo CO2 que se met en botelha e que se vend per elaborar de bevendas gasosas.
Aquela reforma energetica del PP, coneguda per aver privatizat lo solelh en empedissent de far d’energia solara, a eliminat las primas a la cogeneracion, es a dire: al procediment de profechar de l’energia termica venent de la produccion d’energia electrica. Sens aquela bonificacion, l’entrepresa ditz qu’es obligada de presentar un concors de creditors, çò qu’implica lo barrament de las installacions e la pèrda d’un vintenat d’emplecs.
“Tant que poirem, ensajarem de servar los emplecs”, çò diguèt lo director general del grop Neoelectra, Antonio Cortés, del temps que planhiá: “ausissèm dins los mèdias que tot va plan, mas en realitat i a una seguida d’indústrias que son a cessar lors activitats”.
Cortés apondèt que la cogeneracion a permés a Caviar Nacarii d’èsser una de las melhoras entrepresas de caviar, en exportar per tot lo Mond de caviar de nauta qualitat, mas qu’ara, amb la retalhada de las primas a las energias renovelablas del Ministèri de l’Indústria, se vei obligat de barrar lo sit e de presentar un concors de creditors.
La societat aranesa se tròba dins un pargue industrial ecologic de tres entrepresas del grop Neoelectra a Les, que se completan en la fornidura de matèrias primièras e l’eliminacion de residús. Neoelectra gerís la centrala de cogeneracion que produtz d’electricitat per mejan de la combustion de gas; aquò produtz d’aiga cauda que s’emplega per climatizar las piscinas dels esturions, e mai aquò crèa lo CO2 que se met en botelha e que se vend per elaborar de bevendas gasosas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Après n'èi pas nada ostilitat entaus 27 emplegats de l'entrepresa e que'us soeti sincerament de trobar un aute emplèc on ne tuaràn pas e on haràn quauqu'arren d'utile.
De mei, l'entrepresa qu'ei presentada com "ecologica" per'mor l'electricitat e la calor qu'i son hèitas de faiçon ecologica mes la piscicultura en arrius qu'ei ua activitat hèra polluanta per'mor de las cagadas deus pèishs. Ne sèi pas quin impact a l'espleitacion de Les sus Garona mes los fjords de Norvègia on amassan saumons que regetan autant de mèrda dens la mar com la vila de New York. Shens parlar de las antibioticas qui son sovent gitadas dens la quita " piscina" tà que tots los pèish ne profiten, cetadíser directament dens la mar.
Suu lor sit (on n'i pas d'occitan) que disen qu'ei ecologic e qu'an avut distinccions tà d'aquò mes ne precisan pas quin s'ac viran dab aqueths problèmas.
http://www.caviarnacarii.com/es/caviar-nacarii
Bona novèla entaus esturions!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari