Actualitats
Un torn per la Via Lactèa
La NASA n’a publicada una fòto panoramica e interactiva de vint gigapixèls
Pas jamai s’èra pogut passejar per la Via Lactèa coma se pòt far amb la gigafòto panoramica que ven de ne publicar la NASA. Mercés a dos milions de fotografias captadas pel telescòpi espacial Spitzer, pendent las darrièras dètz annadas, l’agéncia estatsunidenca a fach una fotografia interactiva fòrça detalhada, de vint gigapixèls, que nos permet de descobrir en 360 gras e de zooms, un pauc mai de la mitat de las estelas de la nòstra galaxia.
Dempuèi que se lancèt en 2003, lo telescòpi Spitzer a fach, pendent mai de quatre mila oras, de fotografias de la Vila Lactèa amb de lutz infraroja.
La mapa visuala s’es creada gràcias al projècte scientific collaboratiu Galactic Legacy Mid-Plane Survey Extraordinaire (GLIMPSE), desvolopat per la NASA, que sa tòca es de catalogar, amb l’ajuda dels internautas, d’airals d’interès dins l’espaci coma de bofigas e de cumuls interestellars e de galaxias.
Dempuèi que se lancèt en 2003, lo telescòpi Spitzer a fach, pendent mai de quatre mila oras, de fotografias de la Vila Lactèa amb de lutz infraroja.
La mapa visuala s’es creada gràcias al projècte scientific collaboratiu Galactic Legacy Mid-Plane Survey Extraordinaire (GLIMPSE), desvolopat per la NASA, que sa tòca es de catalogar, amb l’ajuda dels internautas, d’airals d’interès dins l’espaci coma de bofigas e de cumuls interestellars e de galaxias.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari