Actualitats
Turquia a blocat Twitter
“La comunautat internacionala dirà çò que voldrà, m’inquieta pas”, çò diguèt lo primièr ministre Erdoğan en invocar la nòva Lei d’Internet
Las autoritats de Turquia bloquèron divendres passat a mièjanuèch l’accès a Twitter dins tot lo país. Qualques oras abans, lo primièr ministre, Recep Tayyip Erdoğan, aviá ja menaçat “d’eradicar los rets socials”. L’òrdre de blocatge de Twitter foguèt donat per l’Institucion de las Tecnologias de la Comunicacion (BTK), qu’a de poders extraordinaris dempuèi que s’aprovèt recentament la nòva Lei d’Internet.
“La comunautat internacionala dirà çò que voldrà, m’inquieta pas; totes veiràn lo poder de la Republica de Turquia”, çò afirmèt Erdoğan qualques minutas abans lo blocatge. Lo primièr ministre anoncièt ja fa doas setmanas que lo govèrn poiriá enebir Facebook e Youtube, mas aquel anonci s’interpretèt mai coma una menaça que coma un fach possible. Los rets socials los an emplegat los enemics politics d’Erdoğan per i publicar los enregistraments clandestins que poirián demostrar son implicacion en de cases de corrupcion.
Lo govèrn turc faguèt un comunicat que diguèt: “Erdoğan a soslinhat que tant que Twitter cambiarà pas son actitud d’ignorar las errors judiciàrias, se farà çò necessari per aplicar la lei, i aurà pas d’autra causida que de ne blocar l’accès per aleujar los ciutadans”.
La manièra d’esquivar lo blocatge
La companhiá Twitter a afirmat qu’es a estudiar la situacion del costat tecnologic coma del costat juridic e social. A travèrs d’una fiulada informèt los usatgièrs, qu’encara es possible d’emplegar Twitter a travèrs dels SMS dels telefòns mobils. Per aquò far, los usatgièrs d’Avea e de Vodafone devon mandar un SMS al 2444 amb lo mot “START” e los usatgièrs de Turkcell devon mandar lo meteis mot al 2555.
“La comunautat internacionala dirà çò que voldrà, m’inquieta pas; totes veiràn lo poder de la Republica de Turquia”, çò afirmèt Erdoğan qualques minutas abans lo blocatge. Lo primièr ministre anoncièt ja fa doas setmanas que lo govèrn poiriá enebir Facebook e Youtube, mas aquel anonci s’interpretèt mai coma una menaça que coma un fach possible. Los rets socials los an emplegat los enemics politics d’Erdoğan per i publicar los enregistraments clandestins que poirián demostrar son implicacion en de cases de corrupcion.
Lo govèrn turc faguèt un comunicat que diguèt: “Erdoğan a soslinhat que tant que Twitter cambiarà pas son actitud d’ignorar las errors judiciàrias, se farà çò necessari per aplicar la lei, i aurà pas d’autra causida que de ne blocar l’accès per aleujar los ciutadans”.
La manièra d’esquivar lo blocatge
La companhiá Twitter a afirmat qu’es a estudiar la situacion del costat tecnologic coma del costat juridic e social. A travèrs d’una fiulada informèt los usatgièrs, qu’encara es possible d’emplegar Twitter a travèrs dels SMS dels telefòns mobils. Per aquò far, los usatgièrs d’Avea e de Vodafone devon mandar un SMS al 2444 amb lo mot “START” e los usatgièrs de Turkcell devon mandar lo meteis mot al 2555.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#3 Ama ama, doblidetz pas que manuel valls a anonciat que la censura de twitter era effectiva me sembla qu’era devèrs lo cap de genièr de 2014. La premsa Francesa subvencionada tota, amai los hebdòs que tractant dels programas de television, es damorada muda.
Cal çaquelà anar legir la premsa anglèsa dins un article de prumière borra de « the guardian »
http://www.theguardian.com/commentisfree/2013/jan/02/free-speech-twitter-france
Sus 365 demandas d’escafament dels conteguts receibudas per Twitter al darrièr trimestre de 2013
309 venian de fransa.
Fransa totjorn donaire de leissons pels autres.
Mesa a jorn: Un tribunal d'Ankara ven de suspendre temporalament l'òrdre de blocar Twitter
ben çapulcuyum !
Aquel blocatge de twitter es la derivi de Tayyip Erdoğan l’ islama-conservator. Pres dins mantuns escandals l’islamista Tayyip decidèt del blocatge de Twitter.
Malastrudament per el aquel blocatge fuguèt lèu contornat pels turcs. Tanlèu lo lendeman, mantuns jornals publiquèron lo biáis de contornar, lo President el meteis i anguèt d’una critica a l’encontra del Tayyip et postèt un Tweet. Las televisions balhèron atanben lo biáis de contornar lo blocatge.
De fach desempuèi lo blocatge son mai nombroses los tweets qu’abans lo blocatge, lo nombre de tweets a aumentat de 138% d’apèi l’agença «We are social » e la chifra contunha d’aumentar al ritme de 64% per jorn çò dits lo magazine « Motherboard ».
Apèi los eveniments de « Gezi », lo sembla blocatge de Twitter tot un pòble es en revòlta contra lo sistèmi Tayyip.
Desempuèi los turcs esperon lo sosten d’Euròpa, de Fransa que venon pas jamai. Los « çapulcu » de Gezi vos mercejan pas !
http://fr.slideshare.net/cengiz-han/direnisin-kadinlari-haziran-2013
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari