Actualitats
An detectat de gas radioactiu dins un ostal de Lemosin
Gardavan un vintenat d’enfants dempuèi l’an 2000 en aquel ostal
Segon d’informacions de l’AFP, an relotjat una familha lemosina que viviá dins un ostal ont se gardava un vintenat d’enfants dempuèi l’an 2000, après que s’i aja detectat d’importantas dòsis de radon, un gas natural radioactiu. Aital o anoncièt dimècres la prefectura. L’Agéncia Regionala de la Santat (ARS) a difondut un comunicat que precisa que lo 10 de març s’es informat los servicis de l’estat de la preséncia d’aquel gas radioactiu.
La familha demorava dins un ostal bastit dins los ans 1960 a Becinas de Gartempa (Bassa Marcha). Ailà, la familha ofrissiá dempuèi l’an 2000 l’activitat de garda a domicili, çò que concernissiá un vintenat d’enfants. Aquela preséncia de radon, “en quantitat anormala” segon lo comunicat, “pòt presentar de risques per la santat”.
L’Institut de Radioproteccion e de Seguretat Nucleara a sasit l’afar per avalorar lo gra d’exposicion dels ocupants e los risques sanitaris eventuals.
Lo sòl de Lemosin es ric en urani, e pendent qualques decennis es estat esplechat. A Becinas, las esplechas minièras se passèron des ans 1940 fins al mitan dels ans 1990.
Una enquèsta administrativa es en cors.
La familha demorava dins un ostal bastit dins los ans 1960 a Becinas de Gartempa (Bassa Marcha). Ailà, la familha ofrissiá dempuèi l’an 2000 l’activitat de garda a domicili, çò que concernissiá un vintenat d’enfants. Aquela preséncia de radon, “en quantitat anormala” segon lo comunicat, “pòt presentar de risques per la santat”.
L’Institut de Radioproteccion e de Seguretat Nucleara a sasit l’afar per avalorar lo gra d’exposicion dels ocupants e los risques sanitaris eventuals.
Lo sòl de Lemosin es ric en urani, e pendent qualques decennis es estat esplechat. A Becinas, las esplechas minièras se passèron des ans 1940 fins al mitan dels ans 1990.
Una enquèsta administrativa es en cors.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aura, sens v-onta, dubreten un beu museu "Urêka"... Quau nhòrla, presentar aus toristes, a nòstres pitits nòstre grand passat minier, l'estraccion de l'uranom sus las quitas terras de nòstres beus...
E ne'n fan de la pub' per 'tirar deu monde 'qui dedins.
Contunhem entau !
Mercés l'Estat, mercés la COGEMA per tan d'annadas de servici chas nautres, mercés Urêka per 'quela brava nhòrla. Crebem pus jòunes, mas au moens, pissem fluò...
A veire per rire o purar :
http://www.ureka.fr/ureka-presentation-de-laurent-blaszczyk/
Jiròni B.
lu-chapeu.jimdo.com
Pòdi pas dire que m'agrada aquò! Vergonha!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari