Actualitats
Alemanha expulsarà los ciudatans europèus quand seràn sièis meses al caumatge
Lo govèrn alemand restrenherà los permeses de residéncia dins lo país quand se cèrca un emplec; la tòca, dison, qu’es d’evitar la fraudariá e la temor qu’aumente d’un biais important l’arribada de ciutadans europèus d’autres païses. Aquelas mesuras an l’agach mes suls immigrants romaneses e bulgars, que dempuèi lo 1r de genièr an pas de besonh de contracte de trabalh per se desplaçar dins l’Union Europèa.
Lo ministre alemand de l’interior, Thomas de Mazière (CDU), e la ministra de l’emplec, Andrea Nahles (SPD), presentèron dimècres passat a Berlin una seguida de proposicions venent d’un rapòrt redigit per un grop de trabalh qu’a estudiat l’encastre legal actual. Aquel document se centra sus l’impacte que poiriá aver per Alemanha la dobertura de las frontièras als ciutadans de Bulgaria e Romania e “cèrca de prevenir”.
Demest las proposicions anonciadas per Nahles e Mazière i a la proïbicion temporària de tornar al país per aquelas personas qu’ajan comés de fraudariá a l’administracion publica. Se cèrca tanben de limitar la residéncia a tres e sièis meses, per las personas que cèrquen un emplec. De mai, se punirà penalament l’obtencion de papièrs de manièra illegala.
Se modificarà tanplan las condicions per accedir a certanas prestacions socialas, coma las ajudas per aver d’enfants en carga. Pasmens los dos ministres an reconegut que las ajudas que recebon los immigrants romaneses e bulgars representan un percentage fòrça bas, mas an detectat que, fa gaire, an aumentat considerablament. Qu’an decidit d’agir.
Se vòl introduire tanben de reformas dins la lei del trabalh per luchar contra l’economia parallèla e l’esplecha dels trabalhadors estrangièrs.
A l’ora d’ara i a en Alemanha mai de 205 000 ciutadans romaneses e 118 000 bulgars. Son de chifras inferioras a d’autras nacionalitats coma la polonesa que despassa las 532 000 personas, l’italiana amb 529 000 o la grèga amb aperaquí 300 000 personas. Ça que la, lo ministre de l’interior a soslinhat qu’entre 2012 e 2014 l’arribada d’immigrants bulgars e romaneses aumentèt de mai de 400%.
Lo govèrn remarca que l’immigracion es benvenguda en Alemanha e que solament cèrcan d’evitar de problèmas amb la fraudariá e l’esplecha.
Amb aquela mesura, Angela Merkel ensaja de respondre als chepics dels ciutadans e, sustot, de calmar sos sòcis baviereses de la CSU, que fan tanben partida del govèrn de coalicion.
Lo ministre alemand de l’interior, Thomas de Mazière (CDU), e la ministra de l’emplec, Andrea Nahles (SPD), presentèron dimècres passat a Berlin una seguida de proposicions venent d’un rapòrt redigit per un grop de trabalh qu’a estudiat l’encastre legal actual. Aquel document se centra sus l’impacte que poiriá aver per Alemanha la dobertura de las frontièras als ciutadans de Bulgaria e Romania e “cèrca de prevenir”.
Demest las proposicions anonciadas per Nahles e Mazière i a la proïbicion temporària de tornar al país per aquelas personas qu’ajan comés de fraudariá a l’administracion publica. Se cèrca tanben de limitar la residéncia a tres e sièis meses, per las personas que cèrquen un emplec. De mai, se punirà penalament l’obtencion de papièrs de manièra illegala.
Se modificarà tanplan las condicions per accedir a certanas prestacions socialas, coma las ajudas per aver d’enfants en carga. Pasmens los dos ministres an reconegut que las ajudas que recebon los immigrants romaneses e bulgars representan un percentage fòrça bas, mas an detectat que, fa gaire, an aumentat considerablament. Qu’an decidit d’agir.
Se vòl introduire tanben de reformas dins la lei del trabalh per luchar contra l’economia parallèla e l’esplecha dels trabalhadors estrangièrs.
A l’ora d’ara i a en Alemanha mai de 205 000 ciutadans romaneses e 118 000 bulgars. Son de chifras inferioras a d’autras nacionalitats coma la polonesa que despassa las 532 000 personas, l’italiana amb 529 000 o la grèga amb aperaquí 300 000 personas. Ça que la, lo ministre de l’interior a soslinhat qu’entre 2012 e 2014 l’arribada d’immigrants bulgars e romaneses aumentèt de mai de 400%.
Lo govèrn remarca que l’immigracion es benvenguda en Alemanha e que solament cèrcan d’evitar de problèmas amb la fraudariá e l’esplecha.
Amb aquela mesura, Angela Merkel ensaja de respondre als chepics dels ciutadans e, sustot, de calmar sos sòcis baviereses de la CSU, que fan tanben partida del govèrn de coalicion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari