Actualitats
Auvèrnhe: plaçaràn un vilatge en tutèla per manca de candidats a las municipalas
A Chasluç d’Auvèrnhe (Limanha), un petit vilatge de 180 abitants, degun s’es pas presentat a l’eleccion municipala per succedir al cònsol sortent. Es per aquò que la prefectura administrarà la comuna pendent dos meses e recercarà activament de volontaris. La lei del 17 de mai de 2013, qu’impausa de far acte de candidatura per èsser elegit, a complicat la situacion dins las comunas de mens de 1000 abitants.
“Es estranh de dobrir pas lo burèu de vòte. Nos sentissèm en defòra de la societat”, çò diguèt a l’AFP (e segon Libération), Alain Ollé, lo cònsol sortent, que dins sos 71 ans, a pas trobat cap de persona que lo vòlga remplaçar. “Ai 71 ans, estime qu’ai fait çò qu’apèle mon servici nacional”, çò explicava, en apondent qu’“èsser lo cònsol d’una petita comuna coma Chasluç, aquò es fòrça trabalh. Avèm pas de parafuòc, sèm totjorn en primèira linha. Chal a l’encòp gerir los budgets e s’ocupar daus conflictes de vesinança”.
“Qu’es pechat”, çò ditz una abitanta encara a l’AFP. “Mas que volètz? Lo vilatge, coma fòrça autres, es a morir. I a pas de comèrcis, pas d’escòlas, pas de mètge. Fai trenta ans, èra lo cas mas a l’ora d’ara tot es a Sant German de Lembron, a quatre quilomètres d’aicí”.
Per l’ora, a Chasluç, administraràn la comuna tres personas nomenadas per la prefectura pendent dos meses. “Sèm partits en cèrcha de candidats, joines retirats de la foncion publica o de la gendarmariá”, çò explica Hélène Geronimi, la sosprefècta de Soire. Aquela delegacion, que sa mission principala es d’organizar de nòvas eleccions, a de prerogativas plan limitadas: pòt pas far votar un budget, pòt pas signar de contractes e pòt pas engatjar de personal.
A Sant Joan de Val, a aperaquí 20 quilomètres, i a tanben una comuna sens cap de candidat. N’i aguèt ben dins lo primièr torn, mas dimars demissionèron totes.
Una autra comuna sens cap de candidat es Nadilhac, al Causse de Gramat.
“Es estranh de dobrir pas lo burèu de vòte. Nos sentissèm en defòra de la societat”, çò diguèt a l’AFP (e segon Libération), Alain Ollé, lo cònsol sortent, que dins sos 71 ans, a pas trobat cap de persona que lo vòlga remplaçar. “Ai 71 ans, estime qu’ai fait çò qu’apèle mon servici nacional”, çò explicava, en apondent qu’“èsser lo cònsol d’una petita comuna coma Chasluç, aquò es fòrça trabalh. Avèm pas de parafuòc, sèm totjorn en primèira linha. Chal a l’encòp gerir los budgets e s’ocupar daus conflictes de vesinança”.
“Qu’es pechat”, çò ditz una abitanta encara a l’AFP. “Mas que volètz? Lo vilatge, coma fòrça autres, es a morir. I a pas de comèrcis, pas d’escòlas, pas de mètge. Fai trenta ans, èra lo cas mas a l’ora d’ara tot es a Sant German de Lembron, a quatre quilomètres d’aicí”.
Per l’ora, a Chasluç, administraràn la comuna tres personas nomenadas per la prefectura pendent dos meses. “Sèm partits en cèrcha de candidats, joines retirats de la foncion publica o de la gendarmariá”, çò explica Hélène Geronimi, la sosprefècta de Soire. Aquela delegacion, que sa mission principala es d’organizar de nòvas eleccions, a de prerogativas plan limitadas: pòt pas far votar un budget, pòt pas signar de contractes e pòt pas engatjar de personal.
A Sant Joan de Val, a aperaquí 20 quilomètres, i a tanben una comuna sens cap de candidat. N’i aguèt ben dins lo primièr torn, mas dimars demissionèron totes.
Una autra comuna sens cap de candidat es Nadilhac, al Causse de Gramat.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Es de plànher de segur !
Çaquelà, seriá benlèu temps, dins las zònas ruralas, d'establir comuna de plen drech las « comunitat de comunas » e de suprimir las comunas que las compausan.
Dins la mesura ont las comunas an delegat fins a 80 % de las obligacions e cargas… l'onestetat e lo bon anar dels afars o demandan.
En cò mieu, las quatòrze comunas fan un « bacin » de vida d'un vintenat de mlièrs de personas… alavetz, fariá una comuna normala, qué !
O abi que calrà tornar aprene la democracia per empachar lo mai gròs de se servir primièr (Prima partem tollo quoniam nominor leo !) mas es i-ne-luc-ta-ble…
Objectiu de l'estat amb las nòvas règlas : descoratjar la democracia de terren e renfortir la centralizacion?
Se un candidat se presenta, serà subran elegit o pauc se'n manca... Alora se i es un candidat occitanista, a bòn astre (e trabalh) d'i èstre cònsol!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari