Lo movement politic occitanista amassat a l’entorn de Bastir a obtengut 51 elegits a las eleccions municipalas de l’estat francés, segon çò que rapòrta Beneset Roux dins lo blòg de l’occitan de France 3. Es una reüssida, se prenèm en compte qu’en 2008 los elegits occitanistas èran un quinzenat. Dins aquel article, entitolat “Municipalas e occitan: de que ne cal pensar?”, Roux fa una analisi d’aquelas eleccions en clau occitana. Ça que la, la malescaduda dels partits diches d’esquèrra a pas beneficiat a Bastir, e quitament son president, Dàvid Grosclaude, es estat batut a Artics (Bearn).
 
Los socialistas an perdut a las municipalas mai de 150 comunas dins de vilas de mai de 9000 abitants, del temps que l’extrèma drecha del Front Nacional, e las listas que sosten, govèrnan dins 14 municipalitats, dont 10 en Occitània. Aquò provoquèt la demission en blòc del govèrn francés e la nominacion de Valls coma primièr ministre. De fach, la majoritat dels jornals franceses, dins lor primièra pagina, demandavan a Hollande un cambiament de direccion.
 
Libération presenta una animacion interessanta sus la desfacha socialista a Marselha.
 
Per contra, lo centre a plan capitat a Pau e a Tolosa, en portant l’occitan dins lor programa electoral. Sabèm que Jean-Michel Lattes serà l’encargat de l’occitan a Tolosa, e avèm vist François Bayrou que festejava sa victòria a Pau en cantant Bèth Cèu de Pau en occitan (vidèo).
 
 
 
 
 


 

fffff		fffff
	Eleccions municipalas: Mauescaijudas en Gasconha Tolosana   Maugrat le fracàs ende prénguer le poder, 3 candidats Bastir son conselhèrs municipaus d’oposicion a L’Isla de Baish e Sent Lis   A l’Isla de Baish (Savés), la lista Bastir menada per J.L. Davezac, dab  le 12,5% de la votzes au prumèr torn, que fusionèc dab la lista de centredreta UDI de Rogèr. Estón batuts per la lista PS d’Idrac dab le 53,5 % contra le 46,5%. La participacion estèc de las fòrtas. De notar, ça que la, que Mélanie Bourgeois de Bastir es elegida conselhèra municipala.   A Sent Lis (Tolosan), la lista Bastir-Modèm-Les Verds de Catarina Renaux se presentèc sola contra la lista PS de Jacques Tène, au segond torn d’aquesta bastida de 9000 abitants. Le PS ganhèc de justesa dab 1835 votzes contra 1800, siásque le 50,48% contra le 49,52% ende C. Renaux. Dus candidats Bastir seràn conselhèrs municipaus d’oposicion. S’agís de Patric Lasseube e de Nicolau Rei Bèthvéder deu Modèm.          Nicolau Rei Bèthvéder

_____
Dàvid Grosclaude: Bastir! Mei de 50 elegits occitanistas a las municipalas