“Diluns, dimars, dimècres, dijòus, divendres, dijòus, dissabte, dimenge”: rarament aqueles mots tan comuns an creat una tala èrsa d’emocions coma o an provocat dins Joanne Milne. Malauta del sindròm d’Usher, una afeccion genetica caracterizada per un sorditge congenital e una tendéncia progressiva a la cecitat, Joanne Milne a recuperat, o puslèu trobat l’ausida mercés a un implant coclear, una operacion de mai en mai correnta.

Aital, dins sos 39 ans, aquela dòna anglesa de Gateshead, sorda de naissença, a agut lo bonaür d’ausir los sieus primièrs sons. Es pas una experiéncia unica, ja que son nombroses los qu’an pogut sortir del silenci amb aquela tecnica, mas çò rar es qu’aquela femna fa sa primièra experiéncia del mots en tot èsser filmada.
 
Un vidèo postat sus Youtube, fa sonque qualques jorns, ja es estat vistalhat gaireben 3 milions de còps. Sus aqueste filmòt se vei una ortofonista que li ditz sos primièrs mots de votz viva, los jorns de la setmana, e Joanne Milne, en los comprene, es plena d’emocions.
 
Es una plan bèla leiçon de coratge e d’umanitat