L’esquipa lombarda de fotbòl american, Lions Bergamo (Leons de Bergam), a lançat una campanha contra l’omofobia e la discriminacion de gais, lesbianas e transsexuals sus los terrens esportius.
Los jogaires an enregistrat un vidèo amb de scènas de la vida vidanta dels esportius, que se poirián veire fòrça eroticas d’un vejaire gai: collisions e fretaments sul terren, abraçadas e quitament de massatges.
“S’onchar amb d’òli es pas gai”, çò ditz lo vidèo tant que mòstra de massatges amb d’òli. “De vestits tròp ajustats son pas gais”, çò apond del temps que mòstra las raubas que vestisson los esportius a jogar. Contunha en disent: “las abraçadas son pas gais, ni eterosexualas…”
A la fin, sul vidèo se pòt legir: “un de nosautres es gai”, mentre qu’apareisson los 13 jogaires. “Mas es totes que vos encularem”, çò apond, en tot clavar en disent “Leons de Bergam contra l’omofobia”.
Un dels jogaires, Vito Carminati, explica sul sit en espanhòl de Ragap cossí apareguèt l’iniciativa. “L’idèa de far un filme contra l’omofobia ven de mon companh Pietro Bailo, qu’es amic de l’actor Carlo Gabardini. Carlo, en octòbre de 2013, mandèt una letra al jornal La Repubblica, afectat pel suicidi d’un jove romanés de 21 ans, que foguèt insultat e maltractat perque èra omosexual. “S’aquela non-nòva miá pòt salvar un gojat e l’empedir de se suicidar, alavetz o dirai: soi gai”. Es per aquò que los Leons nos sèm jonches a l’iniciativa, sèm una esquipa compacta, unida e solidària qu’avèm pas cap de problèma d’aver amb nosautres un esportiu omosexual o nos afrontar a un omosexual d’una autra esquipa, e de fach sèm a luchar contra aquel vejaire estrech contra los que son diferents”, çò explica l’esportiu lombard, e apond que “l’omofobia es un problèma grèu, e mai se fòrça mond o vòlon pas reconéisser. Pot menar los mai vulnerables a de mesuras extrèmas. Nosautres disèm de non”.
Los jogaires an enregistrat un vidèo amb de scènas de la vida vidanta dels esportius, que se poirián veire fòrça eroticas d’un vejaire gai: collisions e fretaments sul terren, abraçadas e quitament de massatges.
“S’onchar amb d’òli es pas gai”, çò ditz lo vidèo tant que mòstra de massatges amb d’òli. “De vestits tròp ajustats son pas gais”, çò apond del temps que mòstra las raubas que vestisson los esportius a jogar. Contunha en disent: “las abraçadas son pas gais, ni eterosexualas…”
A la fin, sul vidèo se pòt legir: “un de nosautres es gai”, mentre qu’apareisson los 13 jogaires. “Mas es totes que vos encularem”, çò apond, en tot clavar en disent “Leons de Bergam contra l’omofobia”.
Un dels jogaires, Vito Carminati, explica sul sit en espanhòl de Ragap cossí apareguèt l’iniciativa. “L’idèa de far un filme contra l’omofobia ven de mon companh Pietro Bailo, qu’es amic de l’actor Carlo Gabardini. Carlo, en octòbre de 2013, mandèt una letra al jornal La Repubblica, afectat pel suicidi d’un jove romanés de 21 ans, que foguèt insultat e maltractat perque èra omosexual. “S’aquela non-nòva miá pòt salvar un gojat e l’empedir de se suicidar, alavetz o dirai: soi gai”. Es per aquò que los Leons nos sèm jonches a l’iniciativa, sèm una esquipa compacta, unida e solidària qu’avèm pas cap de problèma d’aver amb nosautres un esportiu omosexual o nos afrontar a un omosexual d’una autra esquipa, e de fach sèm a luchar contra aquel vejaire estrech contra los que son diferents”, çò explica l’esportiu lombard, e apond que “l’omofobia es un problèma grèu, e mai se fòrça mond o vòlon pas reconéisser. Pot menar los mai vulnerables a de mesuras extrèmas. Nosautres disèm de non”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari