Actualitats
País Nòstre amb la CGT pels servicis ferroviaris en Narbonés
Deman se debanarà un acamp per far pujar l'emplec e per redusir la preséncia dels camions sus las rotas
Lo sindicat CGT dels emplegats del camin de fèrre del Lengadòc organiza, deman dimars 5 de junh, al Palai del trabalh de Narbona a 17h30 los "Estats generals del servici public ferroviari en Narbonés".
Lo sindicat farà doas proposicions: d'un costat,la modernisacion de la linha entre Narbona e Bisa del Menerbés per poder i far circular de trins TER, e d'un autre costat, lo desvolopament del trafic de marchandisas cap a Port la Novèla, sus la costa de Mediterranèa.
La tòca es de far pujar l'emplec e de redusir la preséncia dels camions sus las rotas de la region.
Lo sindicat a convidat totas las forças vivas de l'encontrada. País Nòstre i serà present e apela a "l'unitat d'accion: nos cal faire pinha macarèl".
Joan-Pèire Laval
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari