Montrejau: era 11a edicion Passapòrts que contunha aué e deman
Enguan, qu’é era 11a edicion de Passapòrts, era hèsta dera cultura occitana qu’organiza eth Ostau Comengés a Montrejau. Que comencèc eth 15 de març, dab era corsa a pè Era Hlama Occitana, organizada dab eth ACM Running Club. Que huc ua jornada d’espòrt (duas corsas de 7 o de 15 quilomètres) e tanben ua jornada occitana pr’amor eths participants que huren en situacion d’immersion tota era vrespada: acuelh en occitan, musica occitana, arremesa deras arrecompensas en occitan... En parallèl, qu’organizèrem tanben ua caminada de 9 quilomètres ath torn de Montrejau, ara descobèrta dera microtoponimia deth parçan. En tot, aquera jornada que permetec d’amassar 242 participants e un tepèr de benevòls!
Passapòrts que contunha aué e deman, aqueste còp, ena sala deras hèstas de Montrejau.
— Aué, que i aurà era jornada deths Gafets. Que i participaràn 200 collegians e liceans qu’aprenguen eth occitan en Comenge. Ath programa, dus concèrts dab dus joesis cantaires: eth luishonés Matiu Barés e era aranesa Alidé Sans (en partenariat dab era associacion D’Arts e d’Òc).
— Anet, que i aurà era presentacion deth bilanç de 10 ans d’enquèstas etnologicas deth Ostau Comengés en Comenge e Coserans, e que i aurà era projeccion deth documentari Eth vin de casa.
— Deman, de 10h a 17h, que i aurà estagis de cant (P. Caumont), d’aboès e de clarin (P. Rouch), d’acordeon (A. Quentin), de percussions (Jonás Gimeno), de dança naths debutants (F. Noble) o naths confirmats (sauts biarneses, dab Dani Padpé).
— Enfin, deman de sers, que serà era grana hèsta occitana: aperitiu e arrepèish animats per Varlonguèra, bal occitan dab Bal’avetz, Ja Pòdes Creir e Clica Dròna!
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Comentaris
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari