Actualitats
Otegi passèt una ora dins son ostal après quatre ans de preson
Li concediguèron una permission especiala per vesitar la familha en seguida de la mòrt de sa sògra
Arnaldo Otegi foguèt dimenge una ora en cò sieu après quatre ans de preson. Lo politician basco obtenguèt un permés extraordinari concedit per las Institucions Penitenciàrias espanhòlas per partejar amb sa familha lo dòl per la mòrt de la siá sògra. Lo quite Otegi publiquèt aquesta fotografia sul sieu compte de Twitter.
Divendres passat, Otegi foguèt menat a la preson basca de Zaballa dempuèi Logronh, ont complís sa condemnacion. Aquel meteis jorn se fasiá las funeralhas de la maire de sa femna, Julia Gorrotxategi, qu’el i poguèt pas assistir. Mas s’esperava qu’obtenguèsse una permission extraordinària per vesitar sa familha. Aquò se passèt pas abans dimenge, ont la polícia l’acompanhèt fins a son ostal, ailà i poguèt demorar una ora, e après lo menèron tornarmai en preson.
Otegi foguèt condemnat a sièis ans e mièg de preson per apertenéncia a una banda terrorista dins l’encastre del dich “afar Bateragune”, ont lo jutgèron, el e d’autres politicians, en l’acusant de refondar Batasuna —un partit politic basquista d’esquèrra qu’èra estat illegalizat— e mai en l’acusant de s’amassar amb ÈTA dins una temptativa ont la banda armada declarèt una trèva, per fin que de basquistas poguèsson participar a las eleccions municipalas e autonomicas bascas de 2011.
Divendres passat, Otegi foguèt menat a la preson basca de Zaballa dempuèi Logronh, ont complís sa condemnacion. Aquel meteis jorn se fasiá las funeralhas de la maire de sa femna, Julia Gorrotxategi, qu’el i poguèt pas assistir. Mas s’esperava qu’obtenguèsse una permission extraordinària per vesitar sa familha. Aquò se passèt pas abans dimenge, ont la polícia l’acompanhèt fins a son ostal, ailà i poguèt demorar una ora, e après lo menèron tornarmai en preson.
Otegi foguèt condemnat a sièis ans e mièg de preson per apertenéncia a una banda terrorista dins l’encastre del dich “afar Bateragune”, ont lo jutgèron, el e d’autres politicians, en l’acusant de refondar Batasuna —un partit politic basquista d’esquèrra qu’èra estat illegalizat— e mai en l’acusant de s’amassar amb ÈTA dins una temptativa ont la banda armada declarèt una trèva, per fin que de basquistas poguèsson participar a las eleccions municipalas e autonomicas bascas de 2011.
Gaur ordu bat etxean 4 urte eta gero. Una hora en casa, después de 4 años. pic.twitter.com/4dC65g8hUu
— Arnaldo Otegi (@ArnaldoOtegi) April 6, 2014Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Se compreni plan, es reprochat a Otegi d'èsser pas, subre la question basca, del meteis avejaire que Rajoy e Valls ? Aquò ne fa, forçadament, un criminal dangierós que deu pagar car sa participacion a un movement terrorista !!! Vos mainatz ? Aver fait partit d'un partit politic d'equèrra vertadièra, abans que foguèt decidit de l'interdire ! Quin escandal !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari