Eth 15 de març e eths 4 e 5 d’abriu, eth Ostau Comengés qu’organizava a Montrejau era onzava edicion de Passapòrts. Aqueth hestau qu’amatiga plan de dançaires mès Passapòrts qu’é plan mès qu’un gran bal trad.
D’abòrd, qu’é era hèsta dera lenga occitana: que s’enten e que’s ved, que siá nà acompanhar eths correires o eths caminaires dera Hlama Occitana, que siá pendent era Jornada deths Gafets, que siá enas cançons, en eths documentaris, enas conversacions o encara sus eths panèus qu’incitan ath public a utilizar eth gascon enà béver un còp, demandar ce quant còsta era entrada, envitar quauqu’un a dançar…
Passapòrts que’s vòu tanben ua hèsta conviviala, dubèrta a totis, eths que parlan occitan o non, eths que saben dançar o non, eths que son d’ací o non… Que i avec donc arríders, cançons, musica, danças e plan de paraulas escambiadas.
Alavetz, que cau arreténguer d’aquera onzava edicion?
Fòrça monde! Pròche de 250 caminaires e correires eth 15 de març, mès de 200 collegians e calandrons ara Jornada deths Gafets, 50 personas eth divendres de sers nara conferéncia-projeccion sus era cultura orala e guaireben 400 eth dissabde!
Après, plan d’imatges que barlutan en cap… Eth plaser deths collegians de Loras-Varossa e d’Aurinhac a interpretar eras pèças de teatre preparadas en cors d’occitan eth divendres de maitins. Eth vent de holia que socadic era sala deras hèstas pendent eth concèrt d’Alidé Sans, eth divendres de vrespada. Eths testimoniatges audiovisuaus, cargadis d’emocion, de bon sens o d’umor, que presentèrem divendres de sers. Era aplicacion deths participants aths estagis e era qualitat deths professors. Eths cants partejats pendent eth aperitiu e eth sopar. Era suspresa d’arretrobar amics o coneishenças perdudas de vista. Era magia deth bal occitan pendent eth quau Bal’avetz, Ja Pòdes Creir e Clica Dròna, sense desbrembar eth talhèr de musica tradicionala de Clarac, saberen comunicar era sua energia naths dançaires. E, enfin, era fiertat d’aver organizat ua polida hèsta e d’aver hèt véder que i a, en Comenge, era plaça nà ua cultura occitana populara, dinamica e capabla de tocar totas eras generacions.
Joan-Pau Ferré
D’abòrd, qu’é era hèsta dera lenga occitana: que s’enten e que’s ved, que siá nà acompanhar eths correires o eths caminaires dera Hlama Occitana, que siá pendent era Jornada deths Gafets, que siá enas cançons, en eths documentaris, enas conversacions o encara sus eths panèus qu’incitan ath public a utilizar eth gascon enà béver un còp, demandar ce quant còsta era entrada, envitar quauqu’un a dançar…
Passapòrts que’s vòu tanben ua hèsta conviviala, dubèrta a totis, eths que parlan occitan o non, eths que saben dançar o non, eths que son d’ací o non… Que i avec donc arríders, cançons, musica, danças e plan de paraulas escambiadas.
Alavetz, que cau arreténguer d’aquera onzava edicion?
Fòrça monde! Pròche de 250 caminaires e correires eth 15 de març, mès de 200 collegians e calandrons ara Jornada deths Gafets, 50 personas eth divendres de sers nara conferéncia-projeccion sus era cultura orala e guaireben 400 eth dissabde!
Après, plan d’imatges que barlutan en cap… Eth plaser deths collegians de Loras-Varossa e d’Aurinhac a interpretar eras pèças de teatre preparadas en cors d’occitan eth divendres de maitins. Eth vent de holia que socadic era sala deras hèstas pendent eth concèrt d’Alidé Sans, eth divendres de vrespada. Eths testimoniatges audiovisuaus, cargadis d’emocion, de bon sens o d’umor, que presentèrem divendres de sers. Era aplicacion deths participants aths estagis e era qualitat deths professors. Eths cants partejats pendent eth aperitiu e eth sopar. Era suspresa d’arretrobar amics o coneishenças perdudas de vista. Era magia deth bal occitan pendent eth quau Bal’avetz, Ja Pòdes Creir e Clica Dròna, sense desbrembar eth talhèr de musica tradicionala de Clarac, saberen comunicar era sua energia naths dançaires. E, enfin, era fiertat d’aver organizat ua polida hèsta e d’aver hèt véder que i a, en Comenge, era plaça nà ua cultura occitana populara, dinamica e capabla de tocar totas eras generacions.
Joan-Pau Ferré
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari