Una representacion de tres deputats catalans anèron ièr al Congrès dels Deputats, lo parlament espanhòl, per expausar una propòsta de lei que balhariá a Catalonha la competéncia de far un referendum sus l’avenir politic del pòble catalan. Aquela demanda seguissiá un mandat del Parlament de Catalonha, que seguissiá l’expression de las massissas manifestacions per l’independéncia del país de las darrièras annadas.
 
Après un debat d’aperaquí sièis oras, los vòtes negatius dels partits espanholistas PP, PSOE e UPYD an refusat a Catalonha la competéncia d’organizar aquel vòte.
 
D’un costat se son entenduts de discorses en favor de la democracia, del drech de decidir e s’es remarcat que votar es totjorn la solucion. De l’autre s’es criticat l’abséncia del president de Catalonha, s’es dich que la constitucion espanhòla permetiá pas aquel vòte, que podián pas pemetre que Catalonha sortiguèsse de l’èuro e de l’ÒNU e, quitament, s’acusèt los catalans d’èsser ispanofòbs.
 
Catalonha a previst d’organizar un vòte lo 9 de novembre que ven ont se demandarà als catalans se vòlon que Catalonha siá un estat, e se vòlon qu’aquel estat siá independent. Es una demanda sociala que las manifestacions popularas an menat al parlament autonomic. De son costat, lo parlament catalan a demandat al parlament espanhòl la competéncia de far aquel referendum. E mai se sabiá que la majoritat del congrès espanhòl èra pas d’acòrdi, èra dins son fuèlh de rota de contunhar aqueste pas, per legitimar lo procès independentista. 


Avaloracion del president Artur Mas
 
Lo president de Catalonha, Artur Mas, faguèt en seguida una avaloracion d’urgéncia per mercejar la defensa facha pels representants del parlament catalan. Artur Mas mercegèt tanben los partits politics que votèron de òc a la demanda de Catalonha e planguèt la negativa espanhòla. Dins aquel sens diguèt qu’“an paur del vòte del pòble de Catalonha”.
 
“A partir d’aquí, las institucions catalanas cercaràn lo camin dins d’autres encastres legals, e n’i a divèrses, per far votar lo pòble de Catalonha”, çò apondèt lo president. 




_____
Vilaweb: El congrés enterra el diàleg i empeny Catalunya a la unilateralitat
Television de Catalonha: El Congrés tanca la porta a la consulta i Rajoy l'obre a reformar la Constitució

Le Monde: Indépendance de la Catalogne: le refus des députés espagnols
Euronews: Catalogne: Madrid va dire “non” au référendum d’indépendance
Le Figaro: Rajoy contre “une Catalogne hors de l’Espagne”
France Info: Madrid dit (encore) non à une Catalogne indépendante
L’Express: Les députés espagnols disent non à l’indépendance de la Catalogne
Libération: Rajoy réaffirme son opposition à “une Catalogne hors de l’Espagne et de l’Europe”
 
Corriere della Sera: Madrid boccia il referendum per l’indipendenza della Catalogna
Asca: Spagna: parlamento contro referendum Catalogna, nazione indivisibile
Ansa: Spagna, camera boccia referendum catalano
L’Unità: Parlamento Spagna boccia referendum per indipendenza Catalogna
 
BBC News: Catalonia independence vote rejected
Financial Times: MPs to stoke tensions with refusal of Catalan referendum request
The Guardian: Spain set to reject Catalonia’s request for independence referendum
The Washington Post: Spanish Parliament rejects Catalonia bid
The New York Times: Spain: Parliament Rejects Referendum on Independence for Catalonia
Reuters: Catalan leader says parliament rejection won’t halt referendum
The Wall Street Journal: Spain’s Parliament Rejects Catalonia Bid for Independence Vote
Bloomberg: Spain Rejects Catalonia’s Call for Power to Vote on Independence
CNBC: Catalonia bid for autonomy from Spain seen quashed
Russia Today: Catalonia to press for independence despite red light from Madrid
RIA Novosti: Catalonia’s Struggle for Independence
 
Handelsblatt: Katalonien außerhalb Spaniens ist „unvorstellbar”
Deutsche Welle: Spanien streitet über Katalonien
Kurier: Katalonien marschiert in Richtung Unabhängigkeit
Die Zeit: Rajoy hält Katalonien “außerhalb Spaniens” für “unvorstellbar”
Berliner Zeitung: Der katalonische Traum vom Kuschelstaat
Die Welt: Parlament in Madrid gegen Unabhängigkeitsreferendum der Katalanen