Actualitats
Manuel Valls, sus l’independéncia de Catalonha: “qu’Euròpa se dislòque pas”
Lo primièr ministre francés diguèt que l’aument dels populismes fragiliza lo projècte europèu
Lo nòu primièr ministre de França, Manuel Valls, volguèt pas respondre dirèctament coma votariá el en un referendum sus l’independéncia de Catalonha. “Ieu soi primièr ministre de França, vos avisatz que quina sòrta de questions m’obligatz a respondre?”, çò planguèt en una entrevista sus la television BFM TV. Pasmens, Valls a demandat “qu’Euròpa se dislòque pas” en disent qu’aquò èra “un biais de respondre”.
Lo politician socialista francés ensagèt de desviar l’atencion en revendicant una “Euròpa fòrta e unida” perque “lo projècte europèu es un dels mai polits que pòsca existir e a permés la patz entre França e Alemanha. Lo nòu primièr ministre d’Hollande diguèt tanben que “los pòbles an rason” quand “considèran que l’Union Europèa dona pas una responsa pro satisfasenta a las expectativas en matèria d’emplec”.
La question qu’aviá pausada lo jornalista Jean-Jacques Bourdin èra: “Vos sètz catalan de còr: votariatz de òc o de non a l’independéncia de Catalonha?”.
Valls nasquèt a Barcelona e se naturalizèt francés quand aviá 20 ans. Es filh del pintor catalan Xavier Valls e de Luisangela Galfetti, una femna soïssa del canton de Tecin.
Lo politician socialista francés ensagèt de desviar l’atencion en revendicant una “Euròpa fòrta e unida” perque “lo projècte europèu es un dels mai polits que pòsca existir e a permés la patz entre França e Alemanha. Lo nòu primièr ministre d’Hollande diguèt tanben que “los pòbles an rason” quand “considèran que l’Union Europèa dona pas una responsa pro satisfasenta a las expectativas en matèria d’emplec”.
La question qu’aviá pausada lo jornalista Jean-Jacques Bourdin èra: “Vos sètz catalan de còr: votariatz de òc o de non a l’independéncia de Catalonha?”.
Valls nasquèt a Barcelona e se naturalizèt francés quand aviá 20 ans. Es filh del pintor catalan Xavier Valls e de Luisangela Galfetti, una femna soïssa del canton de Tecin.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
D'acord la resposte d'en Valls es preèminenment politica..
Lo tractat de Lisboa, refusat pels ciutadans de l'estat francés, e ç que la passat en fòrç pel govèrn, enebís e empacha tota politica veertadièrament sociala, vertadièrament progressista sul plan umanista e egalitarista. Fa que ieu, me'n tondi ben pro, s'Euròpa se dislòca? Qu'Euròpa ultraliberala venga a se dislocar e ieu, plorarai pas !
Qu'a paur que lo vòte deus catalans e balhe ideas a d'autes ací, en França.
#3
O sabi ben! Sonque fasiái un pauc d'antifrancoVallsisme primari.
Ne demòra que lo gojat se fa laguiós d'aquesta question e be quequeja de pas saber de qué respondre.
#3 Siáu d'acòrd. Un premier ministre francés pòu pas anonciar oficialament son sostèn a una iniciativa condamnada per un govèrn (espanhòu) aliat. Sa respònsa ("qu'Euròpa se dislòque pas”") es politica car permet totei lei possibilitats (òc ò non), l'independéncia catalana menaçant belèu l'unitat d'Espanha (onte pòu inspirar d'autrei regions dau nòrd e de l'èst) mai pas aquela d'Euròpa.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari