La comuna de Sant Sadurní d’Anoia, en Catalonha, a afichat un panèl sus la paret de l’ostal de la vila qu’explica que la bandièra espanhòla, que i ondeja dempuèi qualques setmanas, es issada “per imperatiu legal”. Lo conselh municipal de la vila decidiguèt d’afichar aquela explicacion als ciutadans en seguida de la requisicion del govèrn espanhòl, qu’obliguèt la municipalitat d’issar la bandièra espanhòla, senon s’inabilitariá lo govèrn de la vila.
 
D’autras municipalitats catalanas son estadas punidas per issar pas la bandièra espanhòla, e mai se qualques unas an trobat de solucions coma issar una minibandièra tota pichoneta, o acompanhar la bandièra obligatòria amb totas las bandièras de l’UE.