Lo director suedés David F. Sandberg a ganhat lo prèmi del melhor director, al festenal de cortmetratges de terror Who’s There (qual es aicí?), pel cortmetratge Lights Out (lums defòra). Lo filmet, que se pòt veire en linha, a generat un fum de comentaris positius sul ret, e a aperaquí tres milions e mièg de vesitas dempuèi decembre sus YouTube e mai de 310 comentaris sus Vimeo.
 
S’agís d’un cortmetratge de mens de tres minutas que jòga amb los chepics que nos causa lo fach d’amorçar lo lum e de demorar dins la sornura, e que provòca un fòrt espavent per mejan d’un emplec magistral del lum e de las scènas.
 
Amb aqueste filmet, Sandberg es capable d’intrar dins la mai prigonda paur umana. Se l’escuritat vos fa paur, deuriatz pas veire aqueste vidèo.