Actualitats
Maruèjols: lo Collègi Marcel Pierrel participa al projècte Esvaporats
Aquel projècte pilòt educatiu e cultural de la region de Lengadòc-Rosselhon aurà un resson dins lo Total Festum 2014
Dins l’encastre de sa politica de desvolopament de l’occitan e del catalan, la region de Lengadòc-Rosselhon, en partenariat amb lo rectorat, a desirat de metre en plaça de projèctes pilòts en seisena e segonda, que sián un pauc una veirina de çò que se fa dins las classas. Lo Collègi Marcel Pierrel de Maruèjols (Marjarida) participa a aqueste projècte.
Dimars 25 de març, los del cursus bilingüe anglés-occitan rescontrèron Silvan Chabaud per trabalhar sus la tematica “Esvaporats”, un subjècte federator al collègi que lors camaradas i avián ja soscat en francés amb Sébastien Joanniez e Luc Sabot.
L’idèa èra de legir e de trabalhar d’escrits sus la desparicion. De tèxtes de Maelle Dupont, de Mossur T, d’Umar Kayyam, d’Akhenaton e de segur de Silvan Chabaud guidèron la soscadissa dels escolans poètas. L’objectiu final es d’escriure de poèmas per los cantar e los registrar. Mas aquò se fa pas en un jorn, alara las sesilhas se succedisson dins un ambient estudiós. Aqueste projècte trobarà un resson dins lo Total Festum 2014 amb un concèrt dels escolans e de Mauresca lo 19 de junh a Maruèjols.
Cristòl Caus
Dimars 25 de març, los del cursus bilingüe anglés-occitan rescontrèron Silvan Chabaud per trabalhar sus la tematica “Esvaporats”, un subjècte federator al collègi que lors camaradas i avián ja soscat en francés amb Sébastien Joanniez e Luc Sabot.
L’idèa èra de legir e de trabalhar d’escrits sus la desparicion. De tèxtes de Maelle Dupont, de Mossur T, d’Umar Kayyam, d’Akhenaton e de segur de Silvan Chabaud guidèron la soscadissa dels escolans poètas. L’objectiu final es d’escriure de poèmas per los cantar e los registrar. Mas aquò se fa pas en un jorn, alara las sesilhas se succedisson dins un ambient estudiós. Aqueste projècte trobarà un resson dins lo Total Festum 2014 amb un concèrt dels escolans e de Mauresca lo 19 de junh a Maruèjols.
Cristòl Caus
| fffff | fffff | |
| Jornalet a l’escòla Jornalet a una seccion especifica sus l’escòla occitana. Nos agradariá fòrça que las escòlas, que sián de Calandretas o d’escòlas bilingüas, poguèsson emplenar elas meteissas aquesta seccion amb de nòvas, e que los quites escolans las poguèsson redigir en explicar los faches que fan l’actualitat dins cada escòla: una excursion culturala, la vesita d’una personalitat, una fèsta populara amb los parents, una competicion esportiva, etcetèra. Evidentament, las fotografias, los enregistraments o los imatges de vidèo seràn tras que benvenguts, se n’i a. Se cada escòla nos manda quatre o cinc notícias per an serem plan contents e satisfaches. Pensam que pòt èsser un bon ponch d’amassada per la comunautat educativa occitana, una iniciativa interessanta pels escolans e un esplech de socializacion lingüistica per las familhas dels escolans. Esperam de poder comptar amb lo vòstre sosten, e esperam que Jornalet serà una aisina utila per las escòlas occitanas. Mandatz-nos las vòstras nòvas a info@jor… | ||
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari