Al començament d’abril, un ciutadan de Clarens (Manhoac) tuèt lo sieu can en lo nafrant prigondament a còps de pigassa e lo daissèt mòrt sul lindal de son ostal. L’òme foguèt entendut pels gendarmas e espitalizat.
Segon La Dépêche du Midi, per explicar son gèst, l’òme declarèt: “Mes Sénher non s’apren pas a jo, qu’ei la mea man qu’a trucat, la mea enfança malaürosa, la mea santat fragila, nat trabalh, que s’apren a la societat...” Aquel jornal disiá que lo malfactor patissiá de “trebols del comportament”.
L’associacion de Lanamesa de proteccion animala faguèt sa denóncia contra el a la gendarmariá per “acte de cruseltat cap a un animal” e una peticion sus mesopinions.com s’es depausada per qu’aja una “condemnacion exemplara”.
En febrièr passat se condemnèt un marselhés a un an de preson ferma per aver torturat un gat. Cal veire s’aquela condemnacion mai sevèra que de costuma èra un fach isolat o se la justícia francesa es a cambiar son biais de tractar la cruseltat contra las bèstias.
Segon La Dépêche du Midi, per explicar son gèst, l’òme declarèt: “Mes Sénher non s’apren pas a jo, qu’ei la mea man qu’a trucat, la mea enfança malaürosa, la mea santat fragila, nat trabalh, que s’apren a la societat...” Aquel jornal disiá que lo malfactor patissiá de “trebols del comportament”.
L’associacion de Lanamesa de proteccion animala faguèt sa denóncia contra el a la gendarmariá per “acte de cruseltat cap a un animal” e una peticion sus mesopinions.com s’es depausada per qu’aja una “condemnacion exemplara”.
En febrièr passat se condemnèt un marselhés a un an de preson ferma per aver torturat un gat. Cal veire s’aquela condemnacion mai sevèra que de costuma èra un fach isolat o se la justícia francesa es a cambiar son biais de tractar la cruseltat contra las bèstias.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Quiò, que truca quand ei un can qui's hè tuar a còps de pigassa per un esvarjat mes quand ei un taur qui's sagnar per un sadic en costume davant 500 complici que s'apèra cultura e qu'ei subvencionat per l'UE.
Moralitat : si voletz tuar e torturar bèstias, hètz-ac beròi e esvitatz los cans e los gats.
Pro d'ipocrisia!
Pro de morts!
Abolim la corrida!
Barrem los tuaders!
Istoricament, Clarens qu'ei a costat deth Manhoac mès n'ei pas eth Manhoac.
Senon, felicitacion tara informacion de proximitat, bon tribalh.
Sus eth hons, b'ei tarrible eth ahèr e en mes d'aquò que's passa a nosta. Eth de qui a hèt aquerò que deu èster condemnat dab hèra de "severitat" mès atencion aras derivas semanticas. Quan legueishi “condemnacion exemplara”, que voi juste rapelar que "exemple n'ei pas justícia".
Donc, condemnacion "sevèra", tiò (segon çò de previst ena lei), "exemplària", non !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari