Actualitats
Perilh de guèrra civila en Ucraïna
De soldats ucraïneses, amb de tancs, son passats del costat pròrús a Slaviank
Las batèstas entre los milicians pròrusses e l’armada ucraïnesa a l’èst d’Ucraïna son de mai en mai accentuadas. D’un costat, l’armada ucraïnesa a représ lo contraròtle de l’aeropòrt de Kramatorsk, qu’èra considerat un ponch estrategic. De l’autre costat los manifestants pròrusses an ocupat mai de bastissas institucionalas, dont la comuna de Donetzk, e —segon las autoritats ucraïnesas— an d’òrdres de tirar per tuar, e son dirigits per l’armada russa. Dins aquel sens, lo govèrn interimari ucraïnés a demandat a Russia de quitar d’enviar de terroristas dins lo territòri ucraïnés.
Russia a demandat una explicacion a prepaus de la vesita del director de la CIA, los servicis secrets estatsunidencs, a Kyiiv la dimenjada passada. Dins aquel sens, lo jornal espanhòl Público insinuava dins son Twitter que los Estats Units poirián mandar d’armas a Ucraïna.
A l’ora d’ara, es pas clar çò que se passa, e çò que se pòt passar. E mai se contunhan las convèrsas diplomaticas entre Russia e las organizacions internacionalas, lo president rus, Vladimir Putin, diguèt ièr a la cancelièra alemanda Angela Merkel per telefòn qu’Ucraïna èra al bòrd de la guèrra civila. Putin a demandat tanben a l’ÒNU de condemnar las accions de l’armada ucraïnesa, que segon de fonts pròrussas an causat un vintenat de mòrts.
Los Estats Units an ja dich que sostenon las accions de l’armada ucraïnesa e an precisat qu’a l’ora d’ara an pas previst d’assistir militarament la zòna. Dins aquel sens, lo quite president de l’ÒNU a demandat a totas las partidas de rebaissar las tensions.
_____
Mèdias ucraïneses:
· UKR
· Interfax
· Unian
· Kyiv Post
· Fakty
Mèdias russes:
· ITAR-Tass
· Ria Novosti
· Russia Today
Russia a demandat una explicacion a prepaus de la vesita del director de la CIA, los servicis secrets estatsunidencs, a Kyiiv la dimenjada passada. Dins aquel sens, lo jornal espanhòl Público insinuava dins son Twitter que los Estats Units poirián mandar d’armas a Ucraïna.
A l’ora d’ara, es pas clar çò que se passa, e çò que se pòt passar. E mai se contunhan las convèrsas diplomaticas entre Russia e las organizacions internacionalas, lo president rus, Vladimir Putin, diguèt ièr a la cancelièra alemanda Angela Merkel per telefòn qu’Ucraïna èra al bòrd de la guèrra civila. Putin a demandat tanben a l’ÒNU de condemnar las accions de l’armada ucraïnesa, que segon de fonts pròrussas an causat un vintenat de mòrts.
Los Estats Units an ja dich que sostenon las accions de l’armada ucraïnesa e an precisat qu’a l’ora d’ara an pas previst d’assistir militarament la zòna. Dins aquel sens, lo quite president de l’ÒNU a demandat a totas las partidas de rebaissar las tensions.
_____
Mèdias ucraïneses:
· UKR
· Interfax
· Unian
· Kyiv Post
· Fakty
Mèdias russes:
· ITAR-Tass
· Ria Novosti
· Russia Today
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#4 Non pas benlèu ! Sarèm enquera mai minoritaris o cal saber ! Los occitans conscients son esparçes e exitisson ja pus.
#2 De res, es amb plaser. Qualques informacions complementàrias, la situacion podriá cambiar lèu a Donetsk, qu'actualament i a una manifestacion que sembla d'amassar un nombre pro important de gents (ligam en dirècte: http://www.ustream.tv/channel/hromadske-tv-donbass) e que los minaires se son situats del costat del govèrn. Se ditz que los manifestaires podrián partir tirar las barranhas mas podriá èsser perilhós.
Del costat de l'aeropòrt de Mariópol, l'armada ucraïniana a plan resistit a las atacas dels separatistas d'arsèr e n'an tuat tres, nafrat 13 e arrestat 63; se ditz qu'avián de cartas SIM de telefòn russas... http://www.unian.info/politics/908831-3-fighters-died-13-fighters-got-injuries-63-fighters-detained-during-special-operation-in-mariupol-avakov.html
A Kyiv un problèma se podriá pausar amb lo Pravy Sektor (Sector de Drecha) los nacionalistas fascistizants que demandan sabi pas que cap a l'eleccion de jutges (que son a far una pichona neteja per ensajar d'arrestar, o almens limitar, la corrupcion actualament...)
A Sloviansk (un dels fronts mai importants de la rebellion) an pres la torre de transmission per far passar las televisions russas e atudar las ucraïnianas. http://www.unian.info/politics/909089-separatists-of-slavyansk-seize-tv-tower-and-turn-off-ukrainian-television-channels.html
Per çò qu'es de la part "ocupada" d'Ucraïna, se ditz que las gents de confession jusieva se deuriá enregistrar e pagar una mena d'impòst; malaisit de saber s'es pas de propaganda... (http://www.kyivpost.com/content/ukraine-abroad/usa-today-jews-ordered-to-register-in-east-ukraine-344010.html)
Aparentament, los pichons òmes verds (escais de las fòrças d'invasion sens identificacion clara) son ja arribats e coma a la debuta en Crimèa, los jornalistas (ucraïnians mai que mai) començan a patir una repression importanta...
En Crimèa, d'unas personas son declaradas "enemics de l'estat"; comença la caça de las bruèissas/mascas aparentament.... https://twitter.com/RealCrimea/status/456509925338775552/photo/1
#3 Creses pas que los occitans conscients sèm ja minoritaris?
#1 La situacion en Ucraina es la qu'anèm viure aici dins un vintenat d'annadas. Los occitans dins lor quite pais saran minoritaris
Mercé plan, Claudi, per tos comentaris a prepaus de la situcion en Ucraïna
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari