Un fèrri amb quatre cents ochanta passatgièrs naufraguèt ièr al sud-èst de Corèa. E mai s’oficialament an confirmat que i a qualques personas mòrtas e mai d’un desenat de ferits, lo nombre de desapareguts es de tres cents. La majoritat dels passatgièrs del vaissèl son d’estudiants que venián d’Incheon, a l’oèst de Seol, cap a l’illa de Jeju, en un viatge escolar.
 
Lo president de la Corèa del Sud demandèt sul pic a totes los vaissèls disponibles d’anar ajudar a las òbras de salvament.
 
Qualques testimònis an explicat qu’ausiguèron un bruch fòrt, coma se lo vaissèl aguèsse tustat quicòm. Segon los mèdias locals, pendent la nuèch se formèt una bruma fòrça densa, qu’empedissiá completament la visibilitat, e per aquò qualques rotas maritimas s’anullèron.
 
Lo vaissèl transportava tanben de camions e de veituras.