Actualitats
An manifestat davant Hollande a Clarmont-Ferrand
De salariats de Michelin acusan lo president francés d’anar “dins lo sens dau capital”
Aperaquí seissanta personas s’acampèron divendres passat, de matin, davant l’usina de Michelin, a Clarmont-Ferrand, per manifestar contra lo president francés François Hollande que vesitava lo sit. Los manifestants l’acusèron d’anar “dins lo sens dau capital”.
“A recebut un emplastre fai quinze jorns a las eleccions, n’espèra un per las europèas, mas contunha encara dins lo sens dau capital e aquò es inadmissible. […] Lo president deu chamjar de cap, qu’es encara tot per lo capital, ren per los salariats”, çò planhiá Jean-Michel Gilles, secretari del sindicat CGT Michelin, segon çò qu’a publicat Libération.
Acampats davant lo sit del terren d’ensages de Ladós, a qualques 10 quilomètres al nòrd de Clarmont-Ferrand, los manifestants capitèron pas de rescontrar lo president francés, qu’entrèt dins lo sit per una autra pòrta.
Lo sindicat CGT de Michelin saluda la recèrca e l’innovacion que l’entrepresa a mes en plaça, mas denóncia la deslocalizacion de la produccion de pneumatics. “En trenta ans, Michelin a perdut 18 000 salariats a Clarmont-Ferrand”, çò soslinhava Gilles en apondent que lo taus de beneficis als accionaris aviá aumentat de 30% a 35%, çò que considèra “inadmissible”.
“Abans, Clarmont fabricava tot tipe de pneumatics: mòto, bicicleta… es pas lo cas uei”, çò apondiá encara a Libération Jacques Chambon, representant del personal CGT. Lo sit de Catarós, situat dins la capitala d’Auvèrnhe, es reconvertit en burèus.
Hollande en Auvergne: manifestation sur le site...per 20Minutes
“A recebut un emplastre fai quinze jorns a las eleccions, n’espèra un per las europèas, mas contunha encara dins lo sens dau capital e aquò es inadmissible. […] Lo president deu chamjar de cap, qu’es encara tot per lo capital, ren per los salariats”, çò planhiá Jean-Michel Gilles, secretari del sindicat CGT Michelin, segon çò qu’a publicat Libération.
Acampats davant lo sit del terren d’ensages de Ladós, a qualques 10 quilomètres al nòrd de Clarmont-Ferrand, los manifestants capitèron pas de rescontrar lo president francés, qu’entrèt dins lo sit per una autra pòrta.
Lo sindicat CGT de Michelin saluda la recèrca e l’innovacion que l’entrepresa a mes en plaça, mas denóncia la deslocalizacion de la produccion de pneumatics. “En trenta ans, Michelin a perdut 18 000 salariats a Clarmont-Ferrand”, çò soslinhava Gilles en apondent que lo taus de beneficis als accionaris aviá aumentat de 30% a 35%, çò que considèra “inadmissible”.
“Abans, Clarmont fabricava tot tipe de pneumatics: mòto, bicicleta… es pas lo cas uei”, çò apondiá encara a Libération Jacques Chambon, representant del personal CGT. Lo sit de Catarós, situat dins la capitala d’Auvèrnhe, es reconvertit en burèus.
Hollande en Auvergne: manifestation sur le site...per 20Minutes
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
"Aperaquí seissanta personas s’acampèron divendres passat, de matin, davant l’usina de Michelin, a Clarmont-Ferrand, per manifestar contra lo president francés François Hollande. Demandavan al capdal de l'Estat francés que França signèsse la Carta europèa per las lengas, que la reparacion istorica promesa en 1981 advenga, e que l'occitan vengue lenga oficiala en Occitània. Los manifèstants demandavan tanben l'autonomia per las regions occitanas". Plan solide aquò's de ficcion. Mas una ficcion que pròva als occitanistas qu'avem pas besonh d'èsser de milierats e de milierats abans de començar a manifèstar. Se a cada amassada plenièra dels Conselhs Regionals i aviá un centenat de personas per manifèstar la demanda de presa en carga per la region de la competéncia lingüistica, a fòrça d'èsser presenta, la question lingüistica seriá de longa debatuda dins las instàncias de las collectivitats territorialas. Una gròssa manifèstacion cada doas o tres ans es pas pro! La pression sul poder imperialista deu èsser contunha. Devem començar a far amb las fòrças que son las nòstras d'uèi! L'accion es pas una question de mejans, mas de determinacion. Los dalaires volontaris o nos an provat!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari