La polícia de Tolosa descobriguèt divendres passat un arsenal d’armas dins un petit ostal del quartièr tolosan de Papús, mentre qu’anavan a la descobèrta d’un òme suicidat, segon çò que publiquèt La Dépêche dimenge passat.
Un plombièr que trabalhava a la renovacion de l’ostalet trobèt dins son lièch lo còrs ensagnosit del proprietari, Sébastien. L’artisan prevenguèt sul pic los secorses, qu’anèron sus plaça amb la polícia. Ailà, al delà de l’òme, que versemblablament s’èra donat la mòrt d’una bala dins lo cap, descobriguèron setze armas de fuòc: onze armas d’espatla e cinc armas de ponh, ont i aviá forra-borra de fusilhs d’assaut austrians, de Glock, d’M16… Tot aquò èra acompanhat de 10 000 municions, de cargadors, de silencioses, de lunetas de mira, de bidons de polvera e de cotèls de caça ben amolats.
Sébastien se seriá suicidat, dins sos 39 ans, sens daissar cap d’explicacion sus son gèst. S’agís d’un engenhaire informatician, a priòri sens istòria. Èra celibatari, aviá pas d’enfants, practicava de tir esportiu e èra sòci del Club de Tir de l’Oèst Tolosan.
Segon çò que publicava La Dépêche, los vesins entendèron pas res lo jorn de l’eventual suicidi. Una vesina contava que sabián qu’aviá d’armas “mas èra una persona que nos semblava del tot normala”. Sébastien aviá crompat aquel ostalet a la Carrièra de Vinhana de Tolosa fa mens d’un an.
La polícia a dobèrt una enquèsta per determinar las condicions qu’auriá aquerit aquel arsenal, conservat dins un estat excellent.
Un plombièr que trabalhava a la renovacion de l’ostalet trobèt dins son lièch lo còrs ensagnosit del proprietari, Sébastien. L’artisan prevenguèt sul pic los secorses, qu’anèron sus plaça amb la polícia. Ailà, al delà de l’òme, que versemblablament s’èra donat la mòrt d’una bala dins lo cap, descobriguèron setze armas de fuòc: onze armas d’espatla e cinc armas de ponh, ont i aviá forra-borra de fusilhs d’assaut austrians, de Glock, d’M16… Tot aquò èra acompanhat de 10 000 municions, de cargadors, de silencioses, de lunetas de mira, de bidons de polvera e de cotèls de caça ben amolats.
Sébastien se seriá suicidat, dins sos 39 ans, sens daissar cap d’explicacion sus son gèst. S’agís d’un engenhaire informatician, a priòri sens istòria. Èra celibatari, aviá pas d’enfants, practicava de tir esportiu e èra sòci del Club de Tir de l’Oèst Tolosan.
Segon çò que publicava La Dépêche, los vesins entendèron pas res lo jorn de l’eventual suicidi. Una vesina contava que sabián qu’aviá d’armas “mas èra una persona que nos semblava del tot normala”. Sébastien aviá crompat aquel ostalet a la Carrièra de Vinhana de Tolosa fa mens d’un an.
La polícia a dobèrt una enquèsta per determinar las condicions qu’auriá aquerit aquel arsenal, conservat dins un estat excellent.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lheu e s'ei suicidat per'mor lo son ostau n'èra pas dret...
Cossí nos cal entendre aquel gèst ? Jamai ai pas comprés aquel plaser que de téner d'armas en çò seu. Benlèu per se melhor balhar la mòrt ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari