Actualitats
Las dètz invencions que se popularizèron amb la Primièra Guèrra Mondiala
Ongan se commemòra lo centenari de la Primièra Guèrra Mondiala. E mai se la data exacta del centenari de l’esclatament d’aquela guèrra es lo 28 de junh, lo jorn qu’assassinèron a Sarajevo l’archiduc Francés-Ferrand d’Àustria, fòrça mèdias consagran de tèmas sus diverses aspèctes d’aquela guèrra que causèt mai de dos milions de mòrts, dont fòrça occitans.
Es per aquò que Vilaweb soslinha una nòva qu’a publicada la BBC, ont se descobrís las dètz invencions que se popularizèron amb aquela granda guèrra.
Stephen Evans, dins “10 inventions that owe their success to World War One”, parla dels produches o dels concèptes popularizats per la guèrra coma las toalhetas sanitàrias, los mocadors de papièr, lo solari, lo cambiament d’orari d’estiu, los saquets de tè, la mòstra, las salsissas vegetarianas, las cremalhièras, l’acièr inoxidable e las comunicacions amb los pilòts d’avion.
Es per aquò que Vilaweb soslinha una nòva qu’a publicada la BBC, ont se descobrís las dètz invencions que se popularizèron amb aquela granda guèrra.
Stephen Evans, dins “10 inventions that owe their success to World War One”, parla dels produches o dels concèptes popularizats per la guèrra coma las toalhetas sanitàrias, los mocadors de papièr, lo solari, lo cambiament d’orari d’estiu, los saquets de tè, la mòstra, las salsissas vegetarianas, las cremalhièras, l’acièr inoxidable e las comunicacions amb los pilòts d’avion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#5 Òc… que mancan enqüèra pèças au puzzle ! :)
#3 E! mes en fèit que parlas de quin s'ac viravan las amerindianas mes sus quin s'ac viravan las nostas aujòlas quand avèn las règlas, ne'n saps pas arre tanpòc... ;-)
#3 Mercés!
Qu'ei plan interessant tot aquò!
Dens la corsa a l'espaci, sovietics e americans que s'avisèn tanben qu'èra possible d'enviar objèctes dens l'espaci per'mor qu'avèn vist la portada de las husadas americanas V2!
Mes aparentament n'ei pas a tu qui ac vau apréner...
Lo ton "1 : non voi pas morir", malurosament qu'implica sovent un "1,1 : que voi tuar lo qui (ce crèi) me vòu har morir"
#2 Ua amiga canadenca que'm digó las amerindianas, e la poblantas europèas en seguida, que cuelhèn esfanh (abondós per torbèras), mès n'ac tròbi pas atestat enlòc.
Ce mentau lo Uiqui anglés : « Pendent sègles l'esfanh qu'a servit entà adobar las heridas, quitament capvath la Purmèra Guèrra mondiau. Estant absorbent e hòrt acide, qu'empacha la proliferacion de bacterias e de ceths… (mes vediatz la rubrica ‘Health dangers’). »
En tot cap los pòbles natius d'America que'n sabèn hèra en fèit de metgia. Quauques annadas a, un çurgent renomat de Toronto que « descobrí » la mèu qu'èra un antiseptic deus poderós. En fèit, los autoctòns qu'ac avèn sabut de temps perdut…
E caló la gran tuadera tà trobar manièra de comunicar dab los avions ? L'idea que sembla drin especiosa : los avions que n'èran a las purmerias de tot biaish… Totun l'astronòm Neil DeGrasse Tyson que ditz quauquarrei atau : coma motor de las descobèrtas , lo curiosèr que vien luenh après
1) non voi pas morir, e
2) non voi pas miserejar.
Atau lo prètzhèit de la corsa tà la lua (o de la fondacion de la NASA) n'estó pas briga lo progès de l'umanitat, senon de har rampèu aus soviets. Quina desahida ! E jo qui pensèvi…
Après, refusar lo carnisme n'implica pas forçadament d'escarnir los carnistas en minjant saucissas shens carn, urosament.
Quauqu'un a ua idea de quin hasèn las hemnas d'Euròpa abans los tampons e las servietas igienicas?
Be i a la mooncup venuda dens cèrtes magasins biò e creada a partir d'un objècte tradicionau de sèi pas on (Africa ce'm sembla)... mes ací, autes còps ... ???
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari