Pascas gaujosas pel Dracs
Dijòus, dins la banlèga nòrd de Londres, davant un punherat d’espectators, los Dracs joguèron a se faire paur. Aprèp aver crestat los Broncos (18-4 a la pausa, 28-4 cap a l’ora de jòc), pensèron que la partida èra acabada e plegada. Los londinencs ne profeitèron per marcar tres ensages a una defensa als abonats absents e la còrna restontiguèt sus un darrièr placatge a dos mètres de la linha catalana. Victòria dels Dracs: 28-22.
Lo divendres, Wigan faguèt conéisser lo gost de la desfaita pel primièr còp de la sason a Saint Helens en ganhant cò dels Sants: 31-14. Diluns de ser, los Dracs recebián Hull KR que veniá de batre, sus un tombat de darrièra minuta, 21-20, son adversari local Hull FC, amb un ensag marcat per l’èx-Drac Kevin Larroyer. Los catalans ataquèron d’a fons la partida e passèron 3 còps la defensa dels Barbarosses per Morgan Escarré, puèi Elliot Whitehead sus una pauma liberada per Leon Pryce, e l’alièr Mike Oldfied èra a la recepcion d’una passa al pè de Tomàs Bòsc; mas los angleses profeitavan d’una baissa de regim catalana per signar tres ensages transformats e prene l’avantatge 18-16 a la pausa. A la represa, al tèrme d’un cabús espectacular, Darryl Millard tornava balhar l’avantatge als Dracs que lo perdián quasiment sul pic. Mas aquò durèt gaire e fins a la fin de partida los Sang e Aur anavan mostrar tot lor talent e lor enveja en ajustant dos ensages (Oldfield e Whitehead tornarmai), doas penalitats e un tombat per Tomàs Bòsc, qu’ensaquèt tanben 4 transformacions. Victòria finala pels Dracs: 37-24 al grand plaser dels 10 000 espectators (levat los sostens angleses qu’avián fait lo viatge pascal en Rosselhon). Los catalans se tornan plaçar en desena posicion al classament amb la possibilitat de prene part a la corsa per las qualificacions en pelhòfas. Aquesta fin de setmana serà consacrada als oitens de la Cup. Dimenge, los Dracs aniràn desfisar los Taures de Bradford. En cap d’aficha, se trapan los rescontres entre formacions de Superliga: Leeds-Saint Helens e Salford-Widnes.
Vilanuèva sortís de l’uòu de Pascas. Dimenge, a L’Agulha, se teniá lo primièr quart de l’Elèit entre Limós e Vilanuèva. Tre la primièra ataca, Alèxis Alberola anava darrèr la rega aquitana, mas los Laupards esperavan que quauquas minutas per replicar. Las doas esquipas se neutralizavan e los Verds e Blancs viravan a la pausa amb un punt d’avança mercé a doas penalitats ensacadas contra una penalitat e un tombat en mai: 10-9. A la represa, los audencs dominavan, jogavan las penalitats a la man mas se trucavan a la defensa advèrsa. Sus un contra, Vilanuèva fasiá grossir son avantatge e confirmava amb un ensag de l’alièr Escuder a la recepcion d’una candelassa de son dobertura. Coma l’arrièr Albèrt transformava lo tot, l’avantatge dels vesitaires veniá consequent: 22-9. Matieu Mayans sonava la revòlta locala: amb un ensag sus ataca classica, un segond sus son especialitat: balon arrancat en un contra un a l’arrièr verd. Amb las transformacions del mesclanha Murcia, Limós tornava a un punt: 22-21. Los Laupards remontavan lo tarrenc e lo talonaire Gautièr raubava las darrièras esperanças de qualificacion a Limós: 28-21 al final. Un temps de remesa en question ven pels Roges e Negres, dominaires dins la primièra fasa e absents dempuèi la represa de genièr; la mescla s’es pas faita entre jogaires locals e estrangièrs qu’an jogat en dejós de lor reputacion anonciada. Òsca per contra per Vilanuèva qu’amb un efectiu jove e volontari capita de se qualificar per las mièjas finalas. Mas Tolosa serà pas Limós! Diluns, en dobertura de la partida dels Dracs, los Dragonets recebián una formacion carcassonesa plan macada aprèp la finala de la Copa. Al tèrme d’una partida seriosa mas gaire estrambordanta, los Dragonets prenguèron lo pas suls audencs: 28-16. Los quatre caçaires del bloquièr Max Rousié an rendètz-vos aqueste dissabte 26 als Minims de Tolosa, a 4 oras del vèspre per la primièra mièja finala entre Lesinhan e los Dragonets; puèi a 6 oras per la confrontacion Tolosa-Vilanuèva.
En Austràlia
Aprèp 7 jornadas del campionat d’NRL, tres esquipas son al cap de la competicion amb 10 punts (5 victòrias): los Bulldogs de Canterbury, las Aglas de Mar de Manly e los Titans de la Costièra d’Aur. Per l’ora, la Tempèsta de Melbourne (8n), los Lapinons de Sydney (9n) e los campions Pols de Sydney (10n) jògan a la tartuga de la faula! Lo Torneg de las 4 Nacions se debanarà del 25 d’octobre al 15 de novembre en Austràlia e Nòva Zelanda: dobertura amb dos rescontres a Brisbane e finala a Wellington. La competicion metrà en confrontacion Austràlia, la Nòva Zelanda, Anglatèrra e lo venceire del barratge del 3 de mai entre Fidji e Samoa.
Illustracion
En illustracion, un dessenh de Gui Perrotet qu’acompanha l’edicion del roman de Cristian Pastre: À corps perdu (ed. Camus & Cie). L’autor a enquistat cò dels jogaires de XV del Racing Club de Narbona per escriure unas paginas que contan l’aventura umana dels jogaires: los trucs e patacs, la transmission familiala, l’amistat internacionala...
Alan Roch
Dijòus, dins la banlèga nòrd de Londres, davant un punherat d’espectators, los Dracs joguèron a se faire paur. Aprèp aver crestat los Broncos (18-4 a la pausa, 28-4 cap a l’ora de jòc), pensèron que la partida èra acabada e plegada. Los londinencs ne profeitèron per marcar tres ensages a una defensa als abonats absents e la còrna restontiguèt sus un darrièr placatge a dos mètres de la linha catalana. Victòria dels Dracs: 28-22.
Lo divendres, Wigan faguèt conéisser lo gost de la desfaita pel primièr còp de la sason a Saint Helens en ganhant cò dels Sants: 31-14. Diluns de ser, los Dracs recebián Hull KR que veniá de batre, sus un tombat de darrièra minuta, 21-20, son adversari local Hull FC, amb un ensag marcat per l’èx-Drac Kevin Larroyer. Los catalans ataquèron d’a fons la partida e passèron 3 còps la defensa dels Barbarosses per Morgan Escarré, puèi Elliot Whitehead sus una pauma liberada per Leon Pryce, e l’alièr Mike Oldfied èra a la recepcion d’una passa al pè de Tomàs Bòsc; mas los angleses profeitavan d’una baissa de regim catalana per signar tres ensages transformats e prene l’avantatge 18-16 a la pausa. A la represa, al tèrme d’un cabús espectacular, Darryl Millard tornava balhar l’avantatge als Dracs que lo perdián quasiment sul pic. Mas aquò durèt gaire e fins a la fin de partida los Sang e Aur anavan mostrar tot lor talent e lor enveja en ajustant dos ensages (Oldfield e Whitehead tornarmai), doas penalitats e un tombat per Tomàs Bòsc, qu’ensaquèt tanben 4 transformacions. Victòria finala pels Dracs: 37-24 al grand plaser dels 10 000 espectators (levat los sostens angleses qu’avián fait lo viatge pascal en Rosselhon). Los catalans se tornan plaçar en desena posicion al classament amb la possibilitat de prene part a la corsa per las qualificacions en pelhòfas. Aquesta fin de setmana serà consacrada als oitens de la Cup. Dimenge, los Dracs aniràn desfisar los Taures de Bradford. En cap d’aficha, se trapan los rescontres entre formacions de Superliga: Leeds-Saint Helens e Salford-Widnes.
Vilanuèva sortís de l’uòu de Pascas. Dimenge, a L’Agulha, se teniá lo primièr quart de l’Elèit entre Limós e Vilanuèva. Tre la primièra ataca, Alèxis Alberola anava darrèr la rega aquitana, mas los Laupards esperavan que quauquas minutas per replicar. Las doas esquipas se neutralizavan e los Verds e Blancs viravan a la pausa amb un punt d’avança mercé a doas penalitats ensacadas contra una penalitat e un tombat en mai: 10-9. A la represa, los audencs dominavan, jogavan las penalitats a la man mas se trucavan a la defensa advèrsa. Sus un contra, Vilanuèva fasiá grossir son avantatge e confirmava amb un ensag de l’alièr Escuder a la recepcion d’una candelassa de son dobertura. Coma l’arrièr Albèrt transformava lo tot, l’avantatge dels vesitaires veniá consequent: 22-9. Matieu Mayans sonava la revòlta locala: amb un ensag sus ataca classica, un segond sus son especialitat: balon arrancat en un contra un a l’arrièr verd. Amb las transformacions del mesclanha Murcia, Limós tornava a un punt: 22-21. Los Laupards remontavan lo tarrenc e lo talonaire Gautièr raubava las darrièras esperanças de qualificacion a Limós: 28-21 al final. Un temps de remesa en question ven pels Roges e Negres, dominaires dins la primièra fasa e absents dempuèi la represa de genièr; la mescla s’es pas faita entre jogaires locals e estrangièrs qu’an jogat en dejós de lor reputacion anonciada. Òsca per contra per Vilanuèva qu’amb un efectiu jove e volontari capita de se qualificar per las mièjas finalas. Mas Tolosa serà pas Limós! Diluns, en dobertura de la partida dels Dracs, los Dragonets recebián una formacion carcassonesa plan macada aprèp la finala de la Copa. Al tèrme d’una partida seriosa mas gaire estrambordanta, los Dragonets prenguèron lo pas suls audencs: 28-16. Los quatre caçaires del bloquièr Max Rousié an rendètz-vos aqueste dissabte 26 als Minims de Tolosa, a 4 oras del vèspre per la primièra mièja finala entre Lesinhan e los Dragonets; puèi a 6 oras per la confrontacion Tolosa-Vilanuèva.
En Austràlia
Aprèp 7 jornadas del campionat d’NRL, tres esquipas son al cap de la competicion amb 10 punts (5 victòrias): los Bulldogs de Canterbury, las Aglas de Mar de Manly e los Titans de la Costièra d’Aur. Per l’ora, la Tempèsta de Melbourne (8n), los Lapinons de Sydney (9n) e los campions Pols de Sydney (10n) jògan a la tartuga de la faula! Lo Torneg de las 4 Nacions se debanarà del 25 d’octobre al 15 de novembre en Austràlia e Nòva Zelanda: dobertura amb dos rescontres a Brisbane e finala a Wellington. La competicion metrà en confrontacion Austràlia, la Nòva Zelanda, Anglatèrra e lo venceire del barratge del 3 de mai entre Fidji e Samoa.
Illustracion
En illustracion, un dessenh de Gui Perrotet qu’acompanha l’edicion del roman de Cristian Pastre: À corps perdu (ed. Camus & Cie). L’autor a enquistat cò dels jogaires de XV del Racing Club de Narbona per escriure unas paginas que contan l’aventura umana dels jogaires: los trucs e patacs, la transmission familiala, l’amistat internacionala...
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari