Lo Movement per l’Unitat del Jihad en Africa de l’Oèst (MUJAO) anoncièt ièr de ser la mòrt de l’ostatge Gilberto Rodrigues Leal, un retirat de Banaçac (Causse de Sauvatèrra) que foguèt raubat en novembre de 2012 a l’Oèst de Mali quand fasiá de torisme.
“Anonciam la mòrt de Rodrigues, es mòrt perque França es nòstra enemiga”, çò declarèt dins una brèva comunicacion telefonica un responsable del MUJAO que precisèt pas quand ni dins qualas circonstàncias lo retirat occitan moriguèt.
Lo ministèri francés dels afars estrangièrs condemnèt sul pic, “de la faiçon pus ferma, l’accion d’aquel grop terrorista”. De son costat, lo president François Hollande a declarat que “França farà tot per conéisser la vertat sus çò qu’es arribat” e “daissarà pas aqueste forfach impunit”, segon çò que comuniquèt ièr l’Elisi, que soslinhèt “la solidaritat mai atristada” del president Hollande “a la familha e als pròches de Gilberto Rodrigues Leal”.
Après la guèrra que França menèt en Mali per ensajar d’evitar l’independéncia d’Azawad, aquel país amazigh es pas mai contrarotlat pels independentistas del Movement per la Liberacion Nacionala d’Azawad (MLNA), mas per las mílicias islamistas d’Al Qaida del Magrèb Islamic (AQMI) e del MUJAO, qu’an de ressorsas economicas e militaras.
L’MNLA, afeblit mas decidit de contunhar la lucha, afirma que “l’unificacion amb Mali vòl dire cinquanta ans d’aclapament programat de tot çò que distinguís lo pòble azawadian dins los domenis cultural, religiós, social, politic, economic e geografic, mejançant la negacion del sieu drech essencial sus la siá tèrra”. Es per aquò que li cal realizar son pròpri “projècte nacional vertadièr”, qu’a pas res a veire amb çò que representa lo govèrn central de Mali ni amb l’expansionisme qu’ensajan de realizar los grops islamistas que combaton los toarègs.
“Anonciam la mòrt de Rodrigues, es mòrt perque França es nòstra enemiga”, çò declarèt dins una brèva comunicacion telefonica un responsable del MUJAO que precisèt pas quand ni dins qualas circonstàncias lo retirat occitan moriguèt.
Lo ministèri francés dels afars estrangièrs condemnèt sul pic, “de la faiçon pus ferma, l’accion d’aquel grop terrorista”. De son costat, lo president François Hollande a declarat que “França farà tot per conéisser la vertat sus çò qu’es arribat” e “daissarà pas aqueste forfach impunit”, segon çò que comuniquèt ièr l’Elisi, que soslinhèt “la solidaritat mai atristada” del president Hollande “a la familha e als pròches de Gilberto Rodrigues Leal”.
Après la guèrra que França menèt en Mali per ensajar d’evitar l’independéncia d’Azawad, aquel país amazigh es pas mai contrarotlat pels independentistas del Movement per la Liberacion Nacionala d’Azawad (MLNA), mas per las mílicias islamistas d’Al Qaida del Magrèb Islamic (AQMI) e del MUJAO, qu’an de ressorsas economicas e militaras.
L’MNLA, afeblit mas decidit de contunhar la lucha, afirma que “l’unificacion amb Mali vòl dire cinquanta ans d’aclapament programat de tot çò que distinguís lo pòble azawadian dins los domenis cultural, religiós, social, politic, economic e geografic, mejançant la negacion del sieu drech essencial sus la siá tèrra”. Es per aquò que li cal realizar son pròpri “projècte nacional vertadièr”, qu’a pas res a veire amb çò que representa lo govèrn central de Mali ni amb l’expansionisme qu’ensajan de realizar los grops islamistas que combaton los toarègs.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Adishatz. Que'm sembla que i a ua confusion, aquiu. Lo praube Roberto Rodrigues n'estó pas jamei jornalista, que jo sàpii.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari