Actualitats
Peripècia de Guardiola a l’UÈFA pel catalan
L’entraïnaire catalan de l’esquipa de fotbòl Bayern de Munic permetèt a un jornalista catalan de pausar las questions en catalan en conferéncia de premsa, e mai se l’UÈFA o aviá enebit
Diluns passat, l’UÈFA aviá repotegat lo jornalista catalan Francesc Garriga per pausar una question en catalan a l’entraïnaire de l’esquipa de fotbòl Bayern de Munic, lo catalan Pep Guardiola, pr’amor que las lengas oficialas de la conferéncia de premsa èran l’espanhòl, l’alemand e l’anglés. Mas dimècres, Guardiola donèt una leiçon a l’UÈFA. Après la partida entre lo Bayern e lo Real Madrid, Garriga comencèt sa question en espanhòl en planhent que li èra pas permés d’o far en catalan. Guardiola respondèt: “t’enganas, o pòdes far en catalan”.
Alavetz, lo jornalista pausèt sa question en catalan, en explicant aderren en espanhòl çò qu’aviá demandat. De son costat, Guardiola respondèt en catalan, e aderren expliquèt en espanhòl çò qu’aviá dich.
Vaquí lo vidèo del moment.
Alavetz, lo jornalista pausèt sa question en catalan, en explicant aderren en espanhòl çò qu’aviá demandat. De son costat, Guardiola respondèt en catalan, e aderren expliquèt en espanhòl çò qu’aviá dich.
Vaquí lo vidèo del moment.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Òsca ! Los Occitans estossen tant capborruts que los Catalans, seré fòrça milhor.
Lo Pep a quicòm mai qu'un balon de fotbòl dins lo cap. D'esportius aital ne caldriá mai. Pas coma lo Killy que lepèt las bòtas de Ponin: una vergonha.
Pep e Cantona deurián crear una associacion per far montar la mens sana dins lo corpore sano que pel moment lo desequilibri es grand!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari