Al començament de las annadas 60, las gents d’Euròpa occidentala an de mai en mai d’autos e donc de mai en mai d’accidents. Fòrça mond morissián dins las ambulàncias que los menavan del luòc de l’accident a l’espital.
En creant lo Servici d’Ajuda Medicala Urgenta (SAMU), Louis Lareng respondiá a una demanda novèla de la societat.
En 1966, aquel mètge tolosan d’origina bigordana fasiá ja d’intervencions amb un veïcul de la Crotz Roja esquipat de material de reanimacion e de suènh.
Tolosa, la Vila Ròsa, aculhiguèt lo primièr SAMU en 1968. Son numèro de telefòn èra ja lo 15. Venguèt simbolic.
18 ans pus tard, una lei creèt un SAMU dins cada departament. La Nauta Garona foguèt donc un departament pionièr dins aqueste domeni.
“L’avenidor s’espèra pas coma s’espèra un tren”
Louis Lareng es un òme determinat e actiu. Après la creacion del SAMU contunhèt de lo melhorar.
Ongan, a 90 ans, es partit en Polinesia per ajudar a l’elaboracion d’un servici de telemedecina. Lo problèma qu’i rescontra es que Polinesia es granda coma Euròpa, es compausada d’illas nombrosas, çò que permet pas la fondacion d’un servici de SAMU tradicional.
Per aquò far, Louis Lareng compta amb las tecnologias novèlas per instaurar un malhum entre los mètges e los malauts.
Enfin, s’es conegut puslèu per sas accions qu’aguèron una repercussion sus l’estat francés entièr, cal precisar tanben que foguèt pas jamai vergonhós de sas originas bigordanas. Al contrari, parla francés amb un accent occitan prononciat e li arriba d’emplegar la lenga nòstra dins las amassadas quand mena d’accions al país.
Lo grop d’occitan del Licèu de Pins e Justaret (Tolosan)
fffff
fffff
Jornalet a l’escòla
Jornalet a una seccion especifica sus l’escòla occitana. Nos agradariá fòrça que las escòlas, que sián de Calandretas o d’escòlas bilingüas, poguèsson emplenar elas meteissas aquesta seccion amb de nòvas, e que los quites escolans las poguèsson redigir en explicar los faches que fan l’actualitat dins cada escòla: una excursion culturala, la vesita d’una personalitat, una fèsta populara amb los parents, una competicion esportiva, etcetèra. Evidentament, las fotografias, los enregistraments o los imatges de vidèo seràn tras que benvenguts, se n’i a.
Se cada escòla nos manda quatre o cinc notícias per an serem plan contents e satisfaches. Pensam que pòt èsser un bon ponch d’amassada per la comunautat educativa occitana, una iniciativa interessanta pels escolans e un esplech de socializacion lingüistica per las familhas dels escolans.
Esperam de poder comptar amb lo vòstre sosten, e esperam que Jornalet serà una aisina utila per las escòlas occitanas. Mandatz-nos las vòstras nòvas a info@jor…
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Cossí? Cossí? Es pas estat inventat a París? Se passan de causas en defòra del periferic?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
#1 Mararèl ! Sem salvats alavetz ?
Cossí? Cossí? Es pas estat inventat a París? Se passan de causas en defòra del periferic?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari