Actualitats
Lo govèrn ucraïnés ditz que “Russia vòl començar la tresena guèrra mondiala”
Lo primièr ministre interimari, Arsenii Iatzeniuk, assegura que “los assages de provocar un conflicte militar en Ucraïna causaràn un conflicte en Euròpa”
Lo primièr ministre interimari ucraïnés, Arsenii Iatzeniuk, afirmava divendres passat que Russia vòl començar “la tresena guèrra mondiala” e ocupar “militarament e politicament” Ucraïna. En un discors a sos ministres, retransmés per la television e difondut als mèdias internacionals, Iatzeniuk diguèt que “los ensages de provocar un conflicte militar en Ucraïna entraïnaràn un conflicte militar en Euròpa”. Segon lo primièr ministre interimari, “la tòca de Russia es de destruire las eleccions” previstas pel 25 de mai, de “retirar lo govèrn pròoccidental” de Kyiiv e d’“ocupar Ucraïna”. Iatzeniuk exigiguèt que Vladimir Putin sostenguèsse pas los “terroristas e bandits” de l’èst d’Ucraïna, qu’es ansin qu’el nomena los secessionistas russofòns que luchan contra lo novèl regim ucraïnés.
Lavrov: “Ucraïna deurà respondre”
De son costat, lo ministre rus de l’exterior, Sergei Lavrov, tanben divendres passat, acusèt Ucraïna d’aver impulsat un “crime sagnós” a l’èst del país, que lo govèrn de Kyiiv ne “deuriá respondre”. Lavrov diguèt aquò en referéncia als dos manifestants mòrts dins la vila d’Sloviansk. Al delà, reïeterèt lo messatge de Moscòu qu’afirma que lo nòu govèrn ucraïnés a començat “una guèrra contra las siás gents”.
Un conflicte que ven de mai en mai grèu
Après la fugida del president Ianukovych e lo cambiament de govèrn en Ucraïna, en seguida de las violentas protèstas al centre de Kyiiv e endacòm mai, lo conflicte s’estendèt a Crimèa, que lo 16 de març votèt en un referendum exprès per s’annexar a la Federacion Russa. Aquel resultat electoral es pas reconegut pels païses occidentals nimai pel nòu govèrn de Kyiiv, qu’ara ensaja de reprimir las creissentas revendicacions separatistas dins l’èst del país.
Mai d’informacion:
Mèdias ucraïneses:
— UKR
— Interfax
— Unian
— Kyiv Post
— Fakty
Mèdias russes:
— ITAR-Tass
— Ria Novosti
— Russia Today
Lavrov: “Ucraïna deurà respondre”
De son costat, lo ministre rus de l’exterior, Sergei Lavrov, tanben divendres passat, acusèt Ucraïna d’aver impulsat un “crime sagnós” a l’èst del país, que lo govèrn de Kyiiv ne “deuriá respondre”. Lavrov diguèt aquò en referéncia als dos manifestants mòrts dins la vila d’Sloviansk. Al delà, reïeterèt lo messatge de Moscòu qu’afirma que lo nòu govèrn ucraïnés a començat “una guèrra contra las siás gents”.
Un conflicte que ven de mai en mai grèu
Après la fugida del president Ianukovych e lo cambiament de govèrn en Ucraïna, en seguida de las violentas protèstas al centre de Kyiiv e endacòm mai, lo conflicte s’estendèt a Crimèa, que lo 16 de març votèt en un referendum exprès per s’annexar a la Federacion Russa. Aquel resultat electoral es pas reconegut pels païses occidentals nimai pel nòu govèrn de Kyiiv, qu’ara ensaja de reprimir las creissentas revendicacions separatistas dins l’èst del país.
Mai d’informacion:
Mèdias ucraïneses:
— UKR
— Interfax
— Unian
— Kyiv Post
— Fakty
Mèdias russes:
— ITAR-Tass
— Ria Novosti
— Russia Today
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Adieu a totes,
Me sembla 1) que per èsser mai precís caldriá tornar insistir sus l'aspècte dobtós del referendum de Crimèa e 2) cresi pas que se pòsca parlar d'una "repression" ucraïniana del pro-russes... Concretament son los pro-russes (que son probablament pas majoritaris dins los airals ocupats) que son dins una mena d'alegalitat/illegalitat (e d'estrategia terrorista) permanenta:
-qu'an executat mantuna persona (Rybak de Batkyvchina e un jove fa pas gaire demest d'autres...) e ne tustan d'autras quotidianament (agents de la SBU agantats recentament per exemple)
-qu'empachan la premsa (manca la russa segur) d'informar per divèrses mejans (intimidacion, violéncia e mai kidnappings de Simon Ostrovsky, Irma Krat e mantun autre).
-qu'an una posicion pas gaire clara cap als jusièus
-que blòcan los canals de television ucraïnians (me diretz que lo govèrn de Torchynov e Iatseniok an blocat los russes mas bon aquestes fan globalament pas que de desinformacion...)
-qu'an demest sas unitats de russes e de gents vengudas de Crimèa, que doncas son pas totes de l'endrech e son dins una estrategia mai ampla de desestabilizacion del país portada per enjós e d'escondons per Pótin & companhiá...
Pensi que la vertadièra repression es la que patisson los que son pas d'acòrdi amb lo pro-russes que son fin finala probablament una majoritat e que se gausan pas rebellar de paur d'èsser eliminats...
Ramenti per acabar que lo govèrn ucraïnian, al mitan de son incapacitat constanta a portar de solucions al conflicte, pactèt l'abséncia de sancions pels separatistas qu'avián ocupat de locals se los liberavan abans sabi pas mai quin jorn ja passat...
Que lo Potin e sa còla o vòlgan es pas segur mas qu'i trabalhan se pòt pas negar!
Jo me chepica de'm demandar de los Ucraïnés hèn pas los hòrts en tot pensar qu'an los Occidentaus a l'endarrèr, çò que poderé se muishar una error lo jorn o se retrobaràn solets dabans l'ors rus. Los Americans e los Europencs son pas aliats serioses, l'istòria l'ac dejà muishat. Coma Polonha en 1939, a la quau los Occidentaus conselhèn de resistir a la demanda de Hitler, e qu'estón pas gaire presents quan l'ahar se gastè.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari