Actualitats
Lombardia: un jove es mòrt espotit per una escultura de Joan Pau II
Marco Gusmini, un jove de 21 ans, moriguèt dijòus passat après èsser espotit per un crucifix erigit en onor del papa Joan Pau II dins la vila de Cevo (Lombardia).
Segon çò que rapòrta la BBC, que consulta los mèdias italians, Gusmini moriguèt sus lo còp del temps qu’un autre òme foguèt menat a l’espital.
Lo crucifix casut commemorava la vesita del papa Joan Pau II en 1998. Fasiá 30 mètres de nautada e tombèt pendent una ceremònia prèvia a la canonizacion de Joan Pau II, que dimenge passat foguèt declarat sant amb Joan XXIII, al Vatican.
L’escultura, òbra d’Enrico Joc, èra una granda crotz corbada que teniá una estatua de pèira de Jèsus Crist de 600 quilos, fixada a la partida superiora.
Segon çò que rapòrta la BBC, que consulta los mèdias italians, Gusmini moriguèt sus lo còp del temps qu’un autre òme foguèt menat a l’espital.
Lo crucifix casut commemorava la vesita del papa Joan Pau II en 1998. Fasiá 30 mètres de nautada e tombèt pendent una ceremònia prèvia a la canonizacion de Joan Pau II, que dimenge passat foguèt declarat sant amb Joan XXIII, al Vatican.
L’escultura, òbra d’Enrico Joc, èra una granda crotz corbada que teniá una estatua de pèira de Jèsus Crist de 600 quilos, fixada a la partida superiora.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
E lo nòstre Jèsus tomba pel quatren còp !… Quora s'aturaràn, los crestians catolics, de plantar e d'alborar pertot d'utisses de totrtura ont foguèt supliciat lo nòstre Senhor ?
Paures mortals que cridan al Diable que sabon pas legir tal lo Pirolet : " l'escultura, òbra d’Enrico Joc, èra una granda crotz corbada que teniá una estatua de pèira de Jèsus Crist de 600 quilos, fixada a la partida superiora." Aquò es un problema tecnic quicòm de mal calculat e de mal far! Malurosament per aquel jove ! Per çò qu'es dels afars fangosas de Joan Pau lo II sèm d'un vejaire : tot aquò pas gaire catolic mas a dire lo verai tot aquò es lo jòc e l'abeluc de tota politica ..?
Après la dissimulacion de la pedofilia, l'escamotatge de l'enquista sul crim del Vatican, lo silenci sul blanquiment d'argent e los revenguts de la prostitucion, vaquí encara una malafacha del sénher Wojtila!
Amb lo pes del seu prestigi aquesit jol pseudomin de Joan Pau lo II auriá poscut metre un pauc d'òrdre al Vatican e o a pas fach. A daissat a son successor la nòta per pagar. Francament, lo Beneset es de plànher.
Après la dissimulacion de la pedofilia, l'escamotatge de l'enquista sul crim del Vatican, lo silenci sul blanquiment d'argent e los revenguts de la prostitucion, vaquí encara una malafacha del sénher Wojtila!
Amb lo pes del seu prestigi aquesit jol pseudomin de Joan Pau lo II auriá poscut metre un pauc d'òrdre al Vatican e o a pas fach. A daissat a son successor la nòta per pagar.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari