L’autra setmana, Grand capbord! èra creat dins lo ròdol besierenc. Aquel tèxte del Glaudi Alranq se presenta jos la forma, non pas d’una pèça de teatre amb sos eròis e son ressòrt, mas coma una mena de conferéncia illustrada a l’encòp pel Poder del Punt (power.point, en francés) e lo Poder Uman d’interpretacion.
Lo comic vièlh (Domenge Lautré) ensaja de discorrir sul borlesc occitan e universal dempuèi que Dieu balhèt lo rire a l’umanitat en compensacion del fòrabandiment d’Edèn, sul camin de la quista de l’Arbre de la Coneissença per destriar lo Ben del Mal. Ensaja de trasmetre son saber a tres estudiantas del Conservatòri (Peirina Alranq, Maria Gaspa e Ànnia Wianowska).
En navegant plan entre occitan e francés, dins un descadenament fregolinian de scènas cortas, ritmadas e enlevadas, nòstras tres comedianas en èrba devon d’en primièr pèrdre l’accent formatat francimand e tornar a las sorsas de Babèl ont apareguèt lo primièr palhassa en contrapoder dels reis-mèstres del Monde, batèsta entre la pluralitat d’agaches e de lengas e la volontat permanenta d’uniformizacion-globalizacion.
Se cal pas daissar prene als miratges dels sòmis falsificats: la Revolucion Francesa interditz Carnaval e fa cremar los totèms, simbòls de las supersticions vièlhas (mas intemporalas). Los caps de fila de las culturas “departamentalizadoregionaloaparisenquidas” coma lo bufèc sens èime de la television o d’Internet se fan gaujosament escarraunhar.
Las cartas del taròt de Marselha desvelaràn las quatre vertats e lo cercle del temps o del sèxe femenin farà virar lo monde mai o mens en redond: Godolin, Mistral o Padena portaràn ajuda amb lo public aluserpit que trapa las bonas responsas a las “Questions per un capbord”!
Nasreddin, Arlequin, Till Eulespingiel, Lèbres d’Africa e Monins d’Asia dintran dins la farandòla amb Catinon e Jacotin: lo rire a pas de frontièras!
Fin finala, Carnaval es totjorn un brave bogre e sus las talveras se trapa lo rire per dobrir totjorn e encara los territòris de la paraula dels pòbles, de la libertat e de las libertats. Nòstre comedian-instructor a agut plan rason de presentar sa conferéncia atal e non pas en saberut del lengatge claus! Mas, per dobrir los esperits, Grand capbord! se va trucar ara a las condicions actualas de difusion del teatre occitan: trapar los mejans de partir en virada per espandir son messatge sanitós.
Alan Roch
Lo comic vièlh (Domenge Lautré) ensaja de discorrir sul borlesc occitan e universal dempuèi que Dieu balhèt lo rire a l’umanitat en compensacion del fòrabandiment d’Edèn, sul camin de la quista de l’Arbre de la Coneissença per destriar lo Ben del Mal. Ensaja de trasmetre son saber a tres estudiantas del Conservatòri (Peirina Alranq, Maria Gaspa e Ànnia Wianowska).
En navegant plan entre occitan e francés, dins un descadenament fregolinian de scènas cortas, ritmadas e enlevadas, nòstras tres comedianas en èrba devon d’en primièr pèrdre l’accent formatat francimand e tornar a las sorsas de Babèl ont apareguèt lo primièr palhassa en contrapoder dels reis-mèstres del Monde, batèsta entre la pluralitat d’agaches e de lengas e la volontat permanenta d’uniformizacion-globalizacion.
Se cal pas daissar prene als miratges dels sòmis falsificats: la Revolucion Francesa interditz Carnaval e fa cremar los totèms, simbòls de las supersticions vièlhas (mas intemporalas). Los caps de fila de las culturas “departamentalizadoregionaloaparisenquidas” coma lo bufèc sens èime de la television o d’Internet se fan gaujosament escarraunhar.
Las cartas del taròt de Marselha desvelaràn las quatre vertats e lo cercle del temps o del sèxe femenin farà virar lo monde mai o mens en redond: Godolin, Mistral o Padena portaràn ajuda amb lo public aluserpit que trapa las bonas responsas a las “Questions per un capbord”!
Nasreddin, Arlequin, Till Eulespingiel, Lèbres d’Africa e Monins d’Asia dintran dins la farandòla amb Catinon e Jacotin: lo rire a pas de frontièras!
Fin finala, Carnaval es totjorn un brave bogre e sus las talveras se trapa lo rire per dobrir totjorn e encara los territòris de la paraula dels pòbles, de la libertat e de las libertats. Nòstre comedian-instructor a agut plan rason de presentar sa conferéncia atal e non pas en saberut del lengatge claus! Mas, per dobrir los esperits, Grand capbord! se va trucar ara a las condicions actualas de difusion del teatre occitan: trapar los mejans de partir en virada per espandir son messatge sanitós.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Contacte per la pèça :
consultar www.claude-alranq.com
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari