capçalera campanha

Actualitats

Politica

Afar Merah: i a quicòm que truca

Tres jutges son a cercar las mancas dels servicis d'informacion franceses qu'an pas sauput empedir los masèls

| Vilaweb

Tres jutges d’instruccion en carga de l'afar Merah cèrcan d'eventuals disfoncionaments dels servicis d'informacion franceses. Segon l’AFP, e de sorsas judicialas anonimas, demandèron dimècres passat la desclassificacion de las nòtas e dels documents amassats per la Direccion Centrala de l'Entresenha Interiora (DCRI per la siá sigla en francés), per çò qu'es de Mohamed Merah, autor dels omicidis de tres militars a Tolosa e Montalban e del masèl a la pòrta d'una escòla de Tolosa, lo mes de març passat.


Dimars, los jutges parlèron pendent tres oras amb las familhas de las quatre personas (tres enfants e un ensenhaire) tuadas davant l'escòla Ozar Hatorah de Tolosa e amb un adolescent grèvament ferit al cors de l’atac. Los magistrats son qu'al començament de la recèrca mas se son engatjats de far tota la lutz sus d'eventualas complicitats e sus las rasons per las qualas la polícia o saupèt pas empedir.
 
Lo ministre de l’Interior, Manuel Valls, tanben a demandat una enquèsta suls servicis d'entresenha. En una entrevista al jornal Le Parisien, diluns 4 de junh, diguèt: "Tre lo moment qu'un òme, benlèu sol, a pogut cometre aqueles crimes, sèm davant una mèuca: l'Estat a pas sauput o pas pogut protegir de franceses". "S'agís de ne comprene las rasons", apond lo ministre. "Ai encargat la Direccion Generala de la Polícia Nacionala (DGPN) e la Direccion Centrala de l'Entresenha Interiora (DCRI) de me balhar un estudi fòrça complet sus çò qu'a disfonccionat en aquel afar".

Etiquetas

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: SIDILLÀ

Comentaris

Ferriòl Macip
4.

#1 As plan arrason. Merah qu'ei er autor presumit des omicidis. Ac auram en compde d'ara entà dauant. Mercés pes comentaris que mos ajuden a hèr mielhor eth Jornalet.

  • 1
  • 0
garric
3.

Coma ciutadan, ressentisse lo sentiment d'èstre estat enganat per l'aparelh d'estat dins aquel afar. Espèri que la majoritat que sortirà de las eleccions que venon aurà l'onestetat de clarificar los eveniments.

  • 3
  • 0
Pirolet
2.

Es que se pòt pas a l'encòp espionar de jornalistas, s'enfadir per de fadetas e susvelhar de fats o de terroristas que se passèjan pel país coma Joan per son ostal. Aquò per començar; e per contunhar, es pas al sinistre del Interior de comandar las operacions sul terren amai quand es un tipe que i comprèn res a res. En fin, per arribar al resultat que son arribats, òm comprèn pas que i aguèssen passat tant de temps. Mas belèu que i avián de calculs darrèr tot aquò.

  • 0
  • 1
Batko
1.

Desencusatz, mès pensi que cau escriure "autor presumit" dels omicidis ... etc
Quan un tipe n'a pas estat enqüèra jutjat, cau tostemps hornir "presumit", ei la deontologia jornalistica. En tot saber que ne serà pas jamei jutjat, demorarà "presumit" a vida, .... mmmm per tostemps.
Solide qu'i a quauquarren qui truca. Lo Mohammed èra un agent deus servicis francés, ei evident, qu'ei lo Yves Bonnet, ex-director de la DST qu'ac ditz. I a detalhs qui sembran pas clars, un , que pòt anar, mès vint, comença de hèr pesuc. Un tipe qui, l'ostau entornejat per policièrs, se'n va telefonar a ua jornalista, puish que torna tà casa a travèrs deu ridèu dehensiu policièr, ei mauaisit de créser, e causas atau n'i a un pialat.

  • 2
  • 1

Escriu un comentari sus aqueste article