Actualitats
Un cinquantenat d’eurodeputats signan un manifèst per las minoritats nacionalas e lingüisticas de l’UE
55 deputats del Parlament Europèu, de diferents estats e diferents partits, an clavat la sason parlamentària abans las eleccions que venon en signant un manifèst per protegir las minoritats nacionalas, segon çò que rapòrta Nationalia. Lo tèxt demanda a la Comission Europèa de s’engatjar per la resolucion dels problèmes territorials “quand las solucions bilateralas e intèrnas son pas possiblas”. Al delà, lo document demanda de “preservar la diversitat” e soslinha que totas las personas an drech de causir lor “identitat nacionala” e qu’aquela “decision liura” se pòt pas metre en question.
Lo tèxt remembra que 50 milions de personas de l’Union Europèa, çò es, 8% de la populacion, fan partida de minoritats nacionalas. Tanben ditz qu’un europèu sus dètz parla una lenga minorizada, e ten en compte que i a 30 milions de ciutadans de l’Union que lor lenga mairala es una lenga venent de l’immigracion.
Los signataris del manifèst demandan que se dessenhe una estrategia europèa de proteccion de las minoritats, que se crèe un organ d’expèrts sus las minoritats nacionalas e lingüisticas per conselhar las institucions europèas, e de leis inalienablas que protegiscan los dreches d’aqueles collectius. En mai d’aquò, recomanda als estats que vòlgan far partida de l’Union Europèa de respectar lors minoritats.
Lo document nomenat Manifèst d’Estrasborg es mandat a la Comission Europèa, al Conselh Europèu, al Conselh d’Euròpa, als estats membres e als estats candidats de far partida de l’Union. Demest los signataris cal soslinhar lo deputat ecosocialista còrs François Alfonsi, lo socialista ongrés Csaba Sándor Tabajdi, lo catalan Ramon Tremosa (CIU) e los deputats bascos Inaki Irazabalbeitia (Aralar) e Izaskun Bilbao (EAJ-PNV).
Aquesta darrièra faguèt referéncia al procès catalan. “Se l’Union Europèa fa lo mediator en de conflictes territorials en defòra de l’Union Europèa, es completament absurde que s’engatge pas a resòlver de tensions coma las que se vivon en Catalonha, quand es pas possible de las resòlver dins l’estat afectat”, çò declarèt.
Lo tèxt remembra que 50 milions de personas de l’Union Europèa, çò es, 8% de la populacion, fan partida de minoritats nacionalas. Tanben ditz qu’un europèu sus dètz parla una lenga minorizada, e ten en compte que i a 30 milions de ciutadans de l’Union que lor lenga mairala es una lenga venent de l’immigracion.
Los signataris del manifèst demandan que se dessenhe una estrategia europèa de proteccion de las minoritats, que se crèe un organ d’expèrts sus las minoritats nacionalas e lingüisticas per conselhar las institucions europèas, e de leis inalienablas que protegiscan los dreches d’aqueles collectius. En mai d’aquò, recomanda als estats que vòlgan far partida de l’Union Europèa de respectar lors minoritats.
Lo document nomenat Manifèst d’Estrasborg es mandat a la Comission Europèa, al Conselh Europèu, al Conselh d’Euròpa, als estats membres e als estats candidats de far partida de l’Union. Demest los signataris cal soslinhar lo deputat ecosocialista còrs François Alfonsi, lo socialista ongrés Csaba Sándor Tabajdi, lo catalan Ramon Tremosa (CIU) e los deputats bascos Inaki Irazabalbeitia (Aralar) e Izaskun Bilbao (EAJ-PNV).
Aquesta darrièra faguèt referéncia al procès catalan. “Se l’Union Europèa fa lo mediator en de conflictes territorials en defòra de l’Union Europèa, es completament absurde que s’engatge pas a resòlver de tensions coma las que se vivon en Catalonha, quand es pas possible de las resòlver dins l’estat afectat”, çò declarèt.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#4 Malaja b'èi paur que sii plan representatiu deu nivèu de consciéncia (o, en tot cap, d'engatjament) d'ua majoritat d'eurocapulats cap ad aqueras questions. De qué sèrv la Carta europèa se ne'n védem pas jamei l'aplicacion ? D'abusapècs, tot parièr com la rèsta.
Lo manifèst d'Estrasborg que fenirà sus ua tauleta a s'amassar prova. Qu'aurà avut lo meriti d'existir… e sonque.
55 deputats, sonque ? Es dire s'Euròpa es una democracia…
Aquí ua arrevirada a la lèsta deu resumit. Desencusatz las fautas v'ac prègui…
En detalh, que n'i a 7 paginas mei atau, mes qu'ei interessant…
LO MANIFEST D'ESTRASBORG
per la proteccion de las minoritats nacionalas dins l’encastre de l’Union Europèa
- Resumit -
17 d’abril de 2014, Estrasborg
Nos, membres del Parlament Europèu e de l’Intergrop de las Minoritats Tradicionalas, Comunautats Nacionalas e Lengas del Parlament Europèu, afirmam que las libertats fondamentalas e l’egalitat dels dreches deven èsser asseguradas per totes los ciutadans de l’Union Europèa, en i inclusent las personas fasent partida de minoritats.
Notam que las minoritats nacionalas constituisson 8% de la populacion de l’Union Europèa, mentre que de lengas regionalas o minorizadas son parladas per gaireben 50 milions de personas, 10% de la populacion de l’UE. Regretam que la proteccion de las minoritats recépia pas mai d’atencion dins las institucions de l’Union Europèa.
Nos, membres del Parlament Europèu favorables a las minoritats, notam que l’egalitat de tractament es un drech elementari, non pas un privilègi, de totes los ciutadans. S’entrevar dels dreches de las minoritats e de las relacions interculturalas e interetnicas es d’una importància essenciala per lo futur de l’Union Europèa, per son estabilitat, sa securitat, sa prosperitat e per sas relacions de bon vesinatge.
Nos, membres del Parlament Europèu, cresem que la majoritat e la minoritat partatjan una responsabilitat mutuala mès assimetrica de permetre l’integracion, la preservacion e lo desvolopament de l’identitat, de la cultura e de la lenga de las comunautats minoritàrias e de relacions interetnicas pacificas.
Cresem qu’es absoludament essencial de distinguir los besonhs e mejans de proteccion de grops vivent tradicionalament dens un Estat membre, e de los minoritats novèlas arribadas dins un país òste per immigracion legala.
Nos, membres del Parlament Europèu, apelam las institucions de l’Union Europèa a resòlvre d’urgéncia lo pretendut dilemma de Copenague. L’establiment d’un mecanisme eficaç per susvelhar e assegurar los dreches fondamentals e aquesits de las minoritats, tant dins los país candidats coma dins los Estats ja admés dins l’Union Europèa, es donc d’una importància essenciala.
Nos, membres del Parlament Europèu, demandam un sistèma de proteccion complet e legalament constrenhent per las minoritats nacionalas, los grops linguistics regionals e las regions constitucionalas, acompanhat d’un mecanisme de susvelhança foncional.
Nos, membres del Parlament Europèu, apelam a l’establiment, segon l’exemple de l’Encastre d’Estrategias d’Integracion Nacionala dels Rroma de l’UE, d’un Encastre Europèu d’Estrategias Nacionalas per la Proteccion de las Minoritats Nacionalas Tradicionalas.
Nos, membres del Parlament Europèu, demandam al President del Parlament Europèu de transmetre aqueste manisfest a la Comission, al Conselh, als govèrns e a las representacions nacionalas dels Estats membres e als govèrns e representacions nacionalas dels país candidats o potencialament candidats.
François Alfonsi es cap de lista per Regions e Pòbles Solidaris dins la circonscripcion sud-èst (Arpitània, Occitània, Corsega). Per ieu, los occitans patriòtas avèm de votar per el.
Vesi que Nationalia balha lo tèxte en anglés. Ont se poriá trobar lo tèxte en occitan, o a a desfaut en francés? Mercés per vòstra ajuda.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari