Actualitats
Era Vielha LAN Party 2012 que comence aué
Er eveniment qu'amasse es participants damb es sòns ordenadors entà jogar, compartir e escambiar informacion
Es dies 8, 9 e 10 de junh es participants ara Vielha Lan Party 2012, damb es sòns ordenadors, que jogaràn, compartiràn e escambiaràn informacion. Er eveniment qu'ei organizat pes escolans d'Informatica der IES d'Aran.
Aué comence era quatau edicion dera Vielha LAN Party que se celebrarà ena Sala Polivalenta deth cap-lòc aranés.
Pendent 3 dies i aurà ua seguida de conferéncies, talhèrs, campionats, jòcs en hilat e prèmis. Era hèsta qu'ei organizada pes escolans deth Cicle Formatiu d'Informatica der Institut d'Educacion Segondària d'Aran.
Era inscripcion qu'ei gratuïta e que cau hèr-la en sit web der eveniment.
Ua LAN Party qu'ei un eveniment qu'amasse un grop de persones damb es sòns ordenadors entà jogar, compartir e escambiar informacion.
Eth nòm proven dera manèra en qué se interconnecten es ordenadors: per mejan d'un hilat locau, que permet de transméter es donades a nautes velocitats.
Ferriòl Macip
Ferriòl Macip
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari