Actualitats
Presentacion des nauetats deth sit web der Archiu Generau d'Aran
Era activitat s'includís laguens dera Setmana Internacionau des Archius
Aué 9 de junh se celebre eth Dia Internacionau des Archius en commemoracion dera creacion deth Conselh Internacionau des Archius pera UNESCO en 1948. Cada an er Archiu Generau d'Aran (AGA), se hig ad aguesta celebracion en tot organizanr diuèrses activitats.
Dimèrcles passat, Maria Pau Gómez Ferrer, directora der AGA, que presentèc en Conselh Generau d’Aran es nauetats deth sit web der Archiu Generau d'Aran. En acte se parlèc dera actualizacion deth quadre de classificacion e des naues publicacions der Archiu que se pòden consultar en linha.
Actuauments a trauèrs deth Cercador, se pòden ja consultar es inventaris e es descripcions archivistiques de 115 hons documentaus, des 153 depausats. En totau son 36 689 unitats documentaus. Ath delà, de mès de 3000 unitats ja se ne pòden visualizar es documents totauments digitalitzadi damb un totau de 12 140 imatges.
Que cau soslinhar que deth hons istoric deth Conselh Generau dera Val d'Aran se pòden ja consultar en linha mès de 1700 unitats.
Conselh Generau d'Aran
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari