Diluns passat la societat Biosantech presentèt un nòu vaccin contra lo sida dins l’encastre de la 7a Conferéncia Internacionala Francofòna contra lo Virus de l’Immunodeficiéncia Umana [VIU] e las Epatitis, que se debanèt a Montpelhièr. S’agís del primièr protocòl d’assag clinic al Mond qu’a obtengut l’autorizacion de passar “en fasa II”, es a dire que, segon las nòrmas internacionalas, se pòt assajar suls umans, en tot determinar la dòsi optimala del medicament e sos eventuals efièches indesirables.
 
Biosantech estendrà sos assages a 80 pacients per confirmar l’abséncia d’aqueles efièches segondaris, la produccion d’anticòrses e, fin finala, l’abséncia del virus dins lo sang.
 
“Segon lei resultats, orientarem lo vaccin vèrs un tractament cort e definitiu, o de tèrme lòng en complement, o en remplaçament de la triterapia”, çò explicava Jean de Mareuil a L’Express, que n’a publicat un bèl reportatge. Mareuil es expèrt en biologia cellulara e en virologia e es conselhièr scientific de Biosantech.