Actualitats
Lo moissal, l’animal mai perilhós?
Una infografia expausa los animals que cada annada tuan mai de personas
Se vos demandan qual es l’animal mai perilhós pels umans, sabèm pas se respondriatz corrèctament. E mai se podèm pensar a de bèstias salvatjas coma las làmias, los lops e las sèrps, la realitat es fòrça desparièra: los pichons moissals tuan cada an aperaquí 750 000 personas. En segonda posicion, amb gaireben mièg milion de mòrts, i a... los quites umans.
Totas las donadas se pòdon trobar dins aquesta infografia, ont apareisson tanben d’elefants, de rinocèros, de crocodils, de moscas, de cans…
Totas las donadas se pòdon trobar dins aquesta infografia, ont apareisson tanben d’elefants, de rinocèros, de crocodils, de moscas, de cans…
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Los comentaris son reaccion a la lesta de monde de país occidentaus , que se creden a l'acès , tranquillòts, lunh de tot aqueth perilh. Leu acabaràn de richonar !
Quan vives en un país on cada mosquit zonzonejant a ton entorn te pòt TUAR o te har patir e malautejar mantunas mesadas, veses las causas d'un ulh aute. Nat vaccin, nada potinga per te suenhar. Pregar se i creses . . . .
Los laboratòris tots localisats en los país "rics" ne se'n aucupan pas briga : dinc adara los malauts son praubes, en país praubes, ..... pas de moneda a ne tirar !
Mès tot es a cambiar, damb lo recauhar climatic, los viatjaires , los toristas : los mosquits tuaires (aedes aegypti, aedes albopictus) son a s'espandir , e damb eths la denga, lo chicungunya e autas malautias maunomenadas tropicalas .
Ja arribats en la Caraïba, ( on tant de toristas deus Estats Units se van pagar un chic d'exotisme), son a passar suu continent american. Aus Estats-Units au sud sub-tropicau, lo govern n'es ansiós. Au Brasiu, aqueths mosquits ja i son arribats tanben cargats deus virus, e s'aprestan a nhacar tots los espectators de la Copa deu Monde de fotbòl. Que se'n tornaràn a casa en espandir aqueths virus per la planèta. .
Aqueths mosquits, i son en Occitània tanben dempui quauquas annadas, Au mens en Aquitània, sabi qu'an creat un "comitat de vigilància " per aquò. E laboratòris de recerca se demandan se n'i a pas quauques sòus a ganhar, fin finala .
E las làmias de las finanças, quand ne fan morir pertot arrèu? Segur que mai de 10!
L'òme es pas un lop per l'òme : es un moissal, pecaire !!!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari