Actualitats
Chomsky pausa lo catalan coma exemple de lucha contra l’imperialisme de l’estat
Vei en lo cas de Catalonha e d’Escòcia la dissolucion del sistèma d’estats en Euròpa
Lo prestigiós lingüista estatsunidenc Noam Chomsky pausa Catalonha coma un exemple de la lucha d’una societat contra l’imperialisme d’un estat, en aquel cas l’espanhòl, per far reviure una lenga menaçada. Chomsky o diguèt lo mes passat en una convèrsa dins los burèus de Google a Cambridge, als Estats Units, nomenada Talk to Google, que i recordava que i aurà un referendum en Catalonha ongan per decidir entre autonomia e independéncia.
“Ara i aurà un referendum en Catalonha e un autre en Escòcia, demandant sus l’autonomia o l’independéncia. Aquò dissòlv lo sistèma d’estats europèu e reconstrutz lo sistèma de lengas”, çò ditz Chomsky en aquela charradissa que fins ara èra passada inapercebuda e que l’a recuperada lo jornal catalan Ara lo 5 de mai.
Chomsky explicava: “Ieu vesitèri Barcelona dins los ans 70 e podiás pas ausir un sol mot de catalan; lo parlavan, mas en secret, perque èra proïbit per la dictatura, que teniá lo sosten dels Estats Units. Dètz ans puèi s’anavas en Catalonha ausissiás parlar lo catalan. Revisquèt.”
Aicí podètz veire lo vidèo de l’acte sencer:
“Ara i aurà un referendum en Catalonha e un autre en Escòcia, demandant sus l’autonomia o l’independéncia. Aquò dissòlv lo sistèma d’estats europèu e reconstrutz lo sistèma de lengas”, çò ditz Chomsky en aquela charradissa que fins ara èra passada inapercebuda e que l’a recuperada lo jornal catalan Ara lo 5 de mai.
Chomsky explicava: “Ieu vesitèri Barcelona dins los ans 70 e podiás pas ausir un sol mot de catalan; lo parlavan, mas en secret, perque èra proïbit per la dictatura, que teniá lo sosten dels Estats Units. Dètz ans puèi s’anavas en Catalonha ausissiás parlar lo catalan. Revisquèt.”
Aicí podètz veire lo vidèo de l’acte sencer:
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#3 Mei generaument, sus quin subjècte que sii (acedemic, societau, etc.) la qualitat deu debat public en America ei hèra superiora a çò qui védem a nosta. Mes ne'n védem pas sonque la part mei tapatjosa e pegassa (com lo « debat politic » abestit peus enrabiats deu Tea Party e per la pusillanimitat deus Democratas).
#1 Per verrificar çò qu'avaçatz, N'Eric, cal anar far un torn per las carrièras de Perpinhan. Urosament que i a de braves gitans gaireben illetrats per vos i respondre en catalan ! Los autres ciutadans, catalans o non, vos i respondan en francés, tant plan coma a Bordèu, Tolosa, Montepelhièr Marselha, Niça, Clarmont Ferrand o Lemòtge, tant plan coma a Brest, Lyon, Rennes, Lille, Bastia o endacòm mai dins l'espandi maldit de "La Republica". Perqué los Catalans de Barcelona parlan encara catalan ? Per çò que non son pas estats dominats per las fòrças de la republica francesa !!!
Jonhatz-vos a ieu del costat escur de la fòrça… Amassa desliurarem los pòbles.
Aqueste òme es quicòm mai que los espelofits francimandejaires que fan de filosòfes exagonals.
Aqueste òme es quicòm ai que los espelofits francimandejaires que fan de filosòfes exagonals.
Un exemple deus bons ! N'i a qui tractan los catalans de racistas lingüistics (!) per amor tornan totjorn responsa en catalan a tota question en espanhòu... Faus, e enqüèra fau véser lo biais de pausar la question. Jamei n'avoi "problèmas" dan un-a catalan-a quan li parlavi, quitament en espanhòu -causa qui s'escasó escassament-. Per un occitanoparlant aquò's pan benesit que de charrar dab catalans. Eths n'an pas vergonha, lo contrari de nosautes.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari