Lo Tribunal Constitucional de Tailàndia destituiguèt, ièr dimècres, la primièra ministra del país, Yinglak Chinnawat (Yingluck Shinawatra). En una session de la nauta cort que se retransmetèt en dirècte per la television tailandesa, lo president del tribunal anoncièt que se considerava Yinglak Chinnawat colpabla d’abús de poder e qu’en consequéncia podiá pas pus contunhar coma primièra ministra.
 
Lo tribunal considèra que la presidenta agiguèt contra la constitucion tailandesa quand ela decidiguèt de remplaçar lo secretari general del Conselh de la Seguretat Nacionala, Thawil Pilensri, en 2011, pr’amor que prenguèt aquela mesura per favorir la promocion de parents al govèrn.
 
Amb aquela decision s’aprigondís en Tailàndia la grèva crisi politica que viu lo país e qu’a ja provocat 25 mòrts dins las susmautas pendent las mobilizacions de l’oposicion, qu’exigissiá la demission de la primièra ministra.