An trobat lo pilòt de l’avion que diluns passat desapareguèt après s’enaurar de Puègverd (Rasés). S’agís de Bernard Mengin, un sexagenari de Ventenac de Cabardés, qu’a passat tres jorns penjat dins un arbre fins que lo trobèron los servicis de salvament de l’armada espanhòla, dijòus a 13h30, en los Pirenèus de Catalonha, près d’Andòrra. Los militars espanhòls lo cercavan pel costat sud dels Pirinèus mentre que l’armada francesa o fasiá de l’autre costat. Ferit al nivèl del torax, es estat menat a l’espital de Lhèida.
 
Mengin desapareguèt quand subrevolava Lengadòc amb un avion motoplanador del tipe Silent 2, per un vòl de léser. Abituat a aqueste tipe de vòls, l’òme comptava de profechar dels corrents de vent per subrevolar los Pirenèus.