Actualitats
Corsega a manifestat per sos dreches socials e nacionals
Los manifestants an demandat que l’estat francés reconesca las mesuras aprovadas per l’Assemblada de Corsega
Qualques milièrs de personas manifestèron dissabte a Bastia (Corsega) lor malcontentament social e nacional. Lo colleciu Simu di Stu Paese e ci Volemu Campà (Sèm d’Aqueste País e i Volèm Viure) aviá convocada la protèsta per reclamar la cooficialitat de la lenga còrsa, un estatut fiscal pròpri e l’inclusion de l’especificitat de l’illa dins la constitucion francesa. Los manifestants demandèron a l’estat francés de prene en compte seriosament aquelas mesuras votadas per l’Assemblada de Corsega. Simu di Stu Paese e ci Volemu Campà considèra qu’aquelas revendicacions son fondamentalas per tota la societat còrsa, e pensa que las cal demandar d’un biais transversal amb la mobilizacion de totes los sectors politics e socials.
Lo collectiu convocant se constituiguèt lo 12 de març passat en amassant mai d’un partit politic, sindicat e associacion, que demest eles i a Ghjuventù Indipendentista, Corsica Libera, Rinnovu Naziunali, A Manca e l’STC.
A la fin de la jornada esclatèron de susmautas entre de manifestants e la polícia. D’un costat se lançava de pèiras e de coctèls Molotov e de l’autre de gases lacrimogèns.
Tuits sobre "#simudistupaese"
Lo collectiu convocant se constituiguèt lo 12 de març passat en amassant mai d’un partit politic, sindicat e associacion, que demest eles i a Ghjuventù Indipendentista, Corsica Libera, Rinnovu Naziunali, A Manca e l’STC.
A la fin de la jornada esclatèron de susmautas entre de manifestants e la polícia. D’un costat se lançava de pèiras e de coctèls Molotov e de l’autre de gases lacrimogèns.
Tuits sobre "#simudistupaese"
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 La responsa seriá : "La polícia manda, en civil, de malfasents, per ensajar de discreditar la legitimitat evidenta d'unas manifestacions que geinan fòrça lo governament" ?
Es l'escasença, cresi, de ramentar l'origina de l'eslogan còrs, que fa pensar a nòstre "Volèm viure au país" au quau pensam pas pron, valent a dire aquesta cançon; http://www.dailymotion.com/video/xojkzp_a-filetta-i-mufrini-simu-di-stu-paese_music
Coma per Nòstra Dòna de las Landas, encara una manifestacion que geina fòrça lo governament e qu'acaba amb de grops de malfaseires venguts de se sap pas ont. La question es: qué fa la polícia?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari