Actualitats
An confirmat que l’emplec excessiu del telefòn mobil aumenta lo risc de càncer
De cercaires de l’Universitat de Bordèu suggerisson de moderar l’emplec dels telefòns mobils a mens de 15 oras per mes, pr’amor qu’an verificat lo risc de càncer del cervèl
De scientifics de l’Universitat de Bordèu, dirigits per Gaëlle Coureau, venon de publicar, dins la revista de referéncia Occupational & Environmental Medicine, un estudi que verifica que l’emplec intensiu dels telefòns mobils favorís l’aparicion de tumors cerebralas, quora benignas, quora malignas.
Los cercaires bordaleses an analisat 447 personas amb de tumors (253 gliòmas e 194 meningiòmas) diagnosticats entre 2004 e 2006. Crosèron aquelas donadas amb un ensemble dos còps mai grand de personas e identifiquèron una associacion amb lo desvolopament d’aquelas tumors en de personas que parlèron per telefòn mobil almens 896 oras long de lor vida. Los cercaires reconeisson que lor estudi permet pas de definir un nivèl de risc en l’aparicion de las tumors, mas suggerisson la moderacion d’emplec d’aqueles telefòns.
Mas l’associacion Priartem, que milita contra los perilhs de las radiofrequéncias, a precisat que segon aquel estudi, es perilhós d’emplegar lo telefòn mobil 896 oras long de la vida, çò que poiriá èsser mièja ora per jorn. Avertisson qu’a l’ora d’ara la majoritat dels usatgièrs, mai que mai los joves, l’emplegan fòrça mai longtemps, dont mantes an ja superat la barrièra perilhosa de las 896 oras.
Es pr’amor d’aquò que l’Institut Estatal de Prevencion e Educacion per la Santat a mes en linha un sit web amb de conselhs per emplegar coma cal lo telefòn mobil.
Los cercaires bordaleses an analisat 447 personas amb de tumors (253 gliòmas e 194 meningiòmas) diagnosticats entre 2004 e 2006. Crosèron aquelas donadas amb un ensemble dos còps mai grand de personas e identifiquèron una associacion amb lo desvolopament d’aquelas tumors en de personas que parlèron per telefòn mobil almens 896 oras long de lor vida. Los cercaires reconeisson que lor estudi permet pas de definir un nivèl de risc en l’aparicion de las tumors, mas suggerisson la moderacion d’emplec d’aqueles telefòns.
Mas l’associacion Priartem, que milita contra los perilhs de las radiofrequéncias, a precisat que segon aquel estudi, es perilhós d’emplegar lo telefòn mobil 896 oras long de la vida, çò que poiriá èsser mièja ora per jorn. Avertisson qu’a l’ora d’ara la majoritat dels usatgièrs, mai que mai los joves, l’emplegan fòrça mai longtemps, dont mantes an ja superat la barrièra perilhosa de las 896 oras.
Es pr’amor d’aquò que l’Institut Estatal de Prevencion e Educacion per la Santat a mes en linha un sit web amb de conselhs per emplegar coma cal lo telefòn mobil.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari